Тоқаев: Ба кумаки Назарбоев табақаи бойҳо пайдо шуд - акнун пулро тақсим кунед

Президенти Қазоқистон Қосимҷомарт Тоқаев аз шаҳрвандони сарватманди Қазоқистон даъват кард, ки ба таври мунтазам пасандозҳои молиявии худро бо ҳамватанони худ тақсим кунанд.

"Ба шарофати президенти нахустин - Элбасӣ дар кишвар як гурӯҳи ширкатҳои хеле даромаднок ва табақаи одамони сарватманд ҳатто аз рӯи меъёрҳои байналмилалӣ бойтар, пайдо шуданд. Фикр мекунам, вақти он расидааст, ки ба мардуми Қазоқистон арҷгузорӣ кунем ва ба онҳо мунтазам кумак кунем", - гуфт Тоқаев зимни муроҷиаташ ба парлумон ва мардуми ин кишвар.

Президент гуфт, дар Қазоқистон хазинаи "Барои мардуми Қазоқистон" таъсис мешавад ва дастур дод, ки сарпарастони доимии ин фонд пайдо шаванд.

"Ин хазинаи президент ё ҳукумат ё ягон ниҳоди дигари давлатӣ нест. Ин хазинаи тамоми қазоқистониён аст. Ин хазинаи мардумист. Дар назди маъмурият ё ҳукумат фаъолият намекунад. Шӯрои нозирони бонуфуз таъсис мешавад. Раҳбари ростқавл, масъулиятшинос таъин шуд”, - таъкид кард Тоқаев.

Кишвардор изҳор дошт, ки шаффофияти пурраи фаъолияти ин бунёд, ҳисоботдиҳӣ ва назорат аз болои ҷомеа таъмин карда мешавад. Нақшаҳо, буҷа ва тарҳҳои хазина дар торнома нашр хоҳанд шуд.

Фонд аз ҳисоби сарчашмаҳои хусусӣ ва давлатӣ маблағгузорӣ мешавад. Қарор аст, кумак аз созмонҳои байналмилалии хайрия ҷалб шавад. Ба хазина маблағгузоии ҳатмии оператори бозиҳои бурднок ва дигар монополиистҳо равон карда мешавад.

Ин хазина барои ҳалли мушкилоти соҳаи тандурустӣ, маориф, иҷтимой машғул мешавад.

"Мо ба кӯдакони лаёқатманд кумак хоҳем кард. Фарҳангро дастгирӣ мекунем. Мо ба Алмаато кумак мекунем, то аз фоҷиаи мудҳиш раҳо шавад. Аз ин хазина мо ба хонаводаҳои пулис ва низомиёни кушташуда кумак хоҳем кард. Ва инҳо танҳо чанд мисол аст", — гуфт ӯ.

"Албатта, мо аз тиҷорати бузург саҳми назаррас ва мунтазам интизорем. Ҳукумат бояд доираи ширкатҳоро муайян кунад ва бо онҳо ҳаҷми саҳмияҳои солона ба фондро мувофиқа кунад. Илова бар ин, ман аз онҳое, ки маблағҳои бузург доранд ва дар соя мемонанд, иштироки фаъолона интизорам" , - гуфт Тоқаев дар ҷаласа.

Сарвари Қазоқистон итминон дорад, ки ин фонд метавонад як василаи дигари муттаҳидсозии ҷомеа ва таҳкими ҳисси адолати иҷтимоӣ дар шаҳрвандон гардад.

Сарчашма:sputnik-tj.com