Ӯзбекистон ва Қирғизистон ба Афғонистон кумак мекунанд

Тошканд ва Бишкек омодаанд ба мардуми Афғонистон кумаки изтирории башардӯстона расонанд.

Дар ин бора муовини вазири корҳои хориҷии Ӯзбекистон Фурқат Сидиқов ва муовини раиси Шӯрои амнияти Қирғизистон Таалатбек Масадиқов зимни мулоқот изҳор доштанд.

Ҷонибҳо рушди мусбати ҳамкориҳои дуҷонибаро, ки ба шарофати муколамаи ошкори роҳбарони ҷумҳуриҳо имконпазир гардид, қайд карданд, хабар медиҳад дафтари матбуоти Вазорати корҳои хориҷии Ӯзбекистон.

Сиёсатмадорон инчунин масъалаҳои рузномаи сиёсати байналхалқиро муҳокима карданд. Аз ҷумла, дар бораи таъсири вазъи кунунии Афғонистон ба амнияти тамоми ҷаҳон сухан рафтааст.

Манбаъ афзуда, ки ҷонибҳо дар бораи зарурати ворид крадани Афғонистон ба равандҳои иқтисодии минтақавӣ ба мувофиқа расиданд.

Дар нимаи моҳи август толибон ба пойтахти Кобул ворид шуда, қасри президентро ишғол карданд. Бо ҳамин ҳокимият ба дасти ин гурӯҳ гузашт.

Шаби 31 август низомиёни амрикоӣ ниҳоят фурудгоҳи Кобулро тарк карда, ба ҳузури тақрибан 20-солаи Амрико дар Афғонистон хотима доданд.

Ҷангҷӯён ҳайати ҳукумати муваққати Афғонистонро эълон карданд. Сарварии онро Муҳаммад Ҳасан Охунд, ки дар давраи аввали ҳукмронии ин гурӯҳ вазири хориҷа буд ва таҳти таҳримоти СММ қарор дорад, ба уҳда дорад.

Феълан тақрибан 97 дарсади афғонҳо зери хатти фақр қарор доранд.

Сарчашма:sputnik-tj.com