Кумитаи дин: ҷашну маросим зиёд шуду ҷаримабанди ҳам афзуд
Раиси Кумитаи дини Тоҷикистон аз риояи қонун дар бораи маросимҳо дар кишвар ҳисобот дод
Дар Тоҷикистон маблағи ҷарима барои нақзи қонун “Дар бораи танзими анъана ва ҷашну маросимҳои мардумӣ” 3,1 миллион сомониро ташкил додааст.
Дар ин бора Сулаймон Давлатзода, раиси Кумитаи дин, танзими анъана ва ҷашну маросимҳои мардумии Тоҷикистон дар як нишасти хабарӣ дар Душанбе хабар дод.
Ҷаримаҳо дар давоми соли 2021 бароварда шуданд.
"Соли сипаришуда дар ҷумҳурӣ беш аз 123,3 ҳазор тӯй ва дигар расму оинҳои мардумӣ ба қайд гирифта шудааст. Дар маҷмӯъ ҷарима барои нақзи қонуни мазкур 3 миллиону 960 ҳазор сомониро ташкил додааст", - гуфт раиси кумита.
Ба гуфтаи вай, ин рақам нисбат ба соли 2020 беш аз 28 ҳазор далел бештар аст.
Дар маҷмуъ аз ҷониби мақомоти судӣ 681 парвандаи ҳуқуқвайронкунии маъмурӣ барои вайрон кардани қонун дар бораи расму оинҳо баррасӣ шудааст, ки нисбат ба соли 2020 72 парванда зиёд мебошад.
Гуфта мешавад, ки 143-тои онҳо қатъ гардида, аз рӯи 668 парвандаи маъмурӣ чораҳои дахлдор андешида шудаанд.
Ёдовар мешавем, ки қонун дар бораи танзими анъана ва ҷашну ойинҳои мардумӣ дар Тоҷикистон соли 2007 қабул шуда буд. Он ба кам кардани хароҷоти молиявӣ ва шумораи меҳмонон дар маросимҳо ва идҳо нигаронида шудааст.
Бо вуҷуди ҷаримаҳои зиёд, бисёре аз шаҳрвандони Тоҷикистон то ҳол қонуни давлатиро нақз мекунанд. Қобили зикр аст, ки ҷарима барои нақзи қонун барои шахсони воқеӣ аз 100 то 130 нишондиҳандаро ташкил медиҳад.
Маблағи ҷарима барои шахсони мансабдор аз 250 то 280 нишондиҳанда, барои ҳисобҳо ва шахсони ҳуқуқӣ аз 500 то 530 нишондиҳанда муаян шудааст.
Комментарии (0)