ПАХШИ МУСТАҚИМИ ШОУ- ОЗМУНИ CENTRAL ASIA’S GOT TALENT (ВИДЕО)

Рӯзи 15 сентябр дар шабакаи КТРК - нахустнамоиши шоу –озмуни Central Asia’s Got Talent оғоз ёфт. Ин тарҳи муштараки чанд шабакаи телевизионии Осиёи Марказӣ, аз ҷумла ТВ Сафина буда, дар ҳайъати ҳакамон ҳунармандони тоҷик, аз ҷумла Аловиддин Абдуллоев низ ҳастанд. Довталабон барои дарёфти ҷоизаи асосӣ – 260 ҳазор сомонӣ – бояд ҳунарҳои фавқулоддаи худро ба намоиш гузоранд. Дар барномаи аввал аз ҷумла Исматулло Ҳомидови 55-сола аз ноҳияи Рӯдакӣ ҳунари худ дар йогаро намоиш дод. Ӯ аз ҷумла ба биниаш ду мехи калонро халонда, сипас бо ин мехҳои дар биниаш маҳкам як бушкачаи пур аз обро бардошт. Бархе доварон дилашон чунон суст шуд, ки пушташонро ба тарафи саҳна гардонданд ва то анҷоми ҳунарнамоии йоги тоҷик рӯ ба саҳна накарданд.