Шаҳрдорӣ майдонча месозад, сокинон хароб мекунанд (Видео)

Тибқи маълумоти Кумитаи кор бо ҷавонон ва варзиши назди Ҳукумати Ҷумҳурии Тоҷикистон соли ҷорӣ дар шаҳри Душанбе 13 майдончаи варзишӣ бо харҷи 9 миллиону 750 ҳазор сомонӣ сохта ба истифода дода шудааст.

Ҳоло ин майдончаҳо, ки аз тарафи ҳукумати шаҳри Душанбе, идора ва дигар сохторҳо бунёд мешаванд, дар кадом вазъ қарор доранд? Бо ин мақсад мо аз чанд майдончаи варзишии шаҳр дидан намудем.

Майдончаҳое, ки аз кушода шудани онҳо ҳатто як ё ду сол нагузаштааст, дар ҳолати харобӣ қарор дорад. Аз сӯйи дигар, сокинони шаҳр аз майдончаҳои варзишие, ки дар назди партовгоҳҳо сохта шудаанд, изҳори норизоӣ мекунанд.