Рӯзномаи “Ҳашти субҳ”: Се ҳамлагари кушташуда дар марзи Тоҷикистону Афғонистон узви “Ансоруллоҳ” будаанд
Рӯзномаи «Ҳашти субҳ"-и Афғонистон навиштааст, ки се ҳамлагари кушташуда аз сӯи марзбонҳои тоҷик дар сарҳади Тоҷикистону Афғонистон узви гурӯҳи «Ансоруллоҳ» буданд. Ин расонаи афғонистонӣ рӯзи 25-уми декабр бо нашри акси чанд ҷасад навиштааст, ки ин пайкарҳои ҳамлаварон ба Тоҷикистон ҳастанд.
Задухӯрди охир миёни марзбонҳои Тоҷикистон ва як гурӯҳи мусаллаҳ аз Афғонистон рӯзи 24-уми декабр дар минтақаи муҳофизатии дидбонгоҳи сарҳадии № 5-и «Боғ"-и ноҳияи Шамсиддин Шоҳин сурат гирифта, дар пайи он, ба иттилои Нерӯҳои марзбонии кишвар, ду афсари тоҷик ва «се узви ташкилоти террористӣ» кушта шуданд. Мақомоти тоҷик нагуфтанд, ки афроди кушташуда узви кадом «ташкилоти террористӣ» ҳастанд.
«Ин ҷангҷӯён (манзур ҷангҷӯёни гурӯҳи „Ансоруллоҳ“, аз идора) дар минтақаҳои марзӣ, тавассути Ҳоҷи Башир Нурзай маъруф ба „падархонд"-и маводи мухаддири Афғонистон ва яке аз чеҳраҳои вобаста ба раҳбари Толибон раҳбарӣ мешаванд«, — навиштааст „Ҳашти субҳ“ бо такя ба манбаъҳояш.
Дирӯз, 25-уми декабр Нерӯҳои марзбонии Тоҷикистон дар шарҳи ин ҳодиса гуфт, ҳамлаварон мехостанд, ба яке аз дидбонгоҳҳои сарҳадии КДАМ-и Тоҷикистон ҳамлаи мусаллаҳона анҷом диҳанд. Ба гуфтаи манбаъ, аз онҳо 3 силоҳи оташфишони М-16, автомати Калашников, 3 таппонча, 10 норинҷаки дастӣ, як дурбини шаббин, маводи тарканда ва дигар муҳимоти ҷангӣ мусодира гардид.
Ин ниҳод ҳукумати Толибон*ро ба он муттаҳам кард, ки „дар иҷрои уҳдадориҳои байналмилалӣ ва ваъдаҳои пайдарҳами худ ҷиҳати таъмини амнияту субот дар сарҳади давлатӣ бо Тоҷикистон ва мубориза бо аъзоёни ташкилотҳои террористӣ ноуҳдабароӣ, бемасъулиятии ҷиддӣ ва такроршаванда нишон медиҳад“.
Мақомоти Тоҷикистон изҳори умедворӣ карданд, ки ҳукумати Толибон аз мардуми Тоҷикистон узрхоҳӣ карда, „барои таъмини амният дар сарҳад бо Тоҷикистон тадбирҳои иловагии натиҷаманд меандешад“.
Ҳукумати Толибон то кунун дар робита ба ин қазия вокунише нишон надодааст.
»Ансоруллоҳ«, ки нерӯҳои он асосан аз зодагони кишварҳои Осиёи Марказӣ иборатанд, як гурӯҳи ифротиест, ки дар Тоҷикистон террористӣ дониста мешавад.
Ёдовар мешавем, қаблан дар пайи ду ҳамлаи дигар дар рӯзҳои 26 ва 30-юми ноябр аз Афғонистон ба ноҳияҳои наздимарзии Тоҷикистон 5 шаҳрванди Чин кушта ва панҷ нафари дигар захмӣ шуданд. Ин ҳамлаҳо аввал ба бошишгоҳи як ширкати маъдантозакунӣ дар ноҳияи Шамсиддин Шоҳин ва баъдан ба як ширктаи роҳсозӣ дар ноҳияи Дарвоз сурат гирифтанд.
Тоҷикистон ин ҳамлаҳоро шадидан маҳкум карда аз „Толибон“ хоста буд, ки омилони онро дастгир кунанд. ВКХ-и ҳукумати Толибон гуфт, ки ҳамла тавассути гурӯҳҳое анҷом шудааст, ки ҳадафашон „эҷоди бесуботӣ ва беэътимодӣ миёни кишварҳои минтақа аст“.
Эмомалӣ Раҳмон, раисҷумҳури Тоҷикистон ин ҳамлаҳоро шадидан маҳкум карда, ба роҳбарони мақомоти қудратии кишвар дастур дод, ки „доир ба ҳалли масъала ва пешгирӣ аз такрори чунин ҳодисаҳои нохуш аз чораю тадбирҳои муассир кор бигиранд“.
*Дар Тоҷикистон гурӯҳи террористӣ эътироф шудааст.
Сарчашма:asiaplustj.info
Задухӯрди охир миёни марзбонҳои Тоҷикистон ва як гурӯҳи мусаллаҳ аз Афғонистон рӯзи 24-уми декабр дар минтақаи муҳофизатии дидбонгоҳи сарҳадии № 5-и «Боғ"-и ноҳияи Шамсиддин Шоҳин сурат гирифта, дар пайи он, ба иттилои Нерӯҳои марзбонии кишвар, ду афсари тоҷик ва «се узви ташкилоти террористӣ» кушта шуданд. Мақомоти тоҷик нагуфтанд, ки афроди кушташуда узви кадом «ташкилоти террористӣ» ҳастанд.
«Ин ҷангҷӯён (манзур ҷангҷӯёни гурӯҳи „Ансоруллоҳ“, аз идора) дар минтақаҳои марзӣ, тавассути Ҳоҷи Башир Нурзай маъруф ба „падархонд"-и маводи мухаддири Афғонистон ва яке аз чеҳраҳои вобаста ба раҳбари Толибон раҳбарӣ мешаванд«, — навиштааст „Ҳашти субҳ“ бо такя ба манбаъҳояш.
Дирӯз, 25-уми декабр Нерӯҳои марзбонии Тоҷикистон дар шарҳи ин ҳодиса гуфт, ҳамлаварон мехостанд, ба яке аз дидбонгоҳҳои сарҳадии КДАМ-и Тоҷикистон ҳамлаи мусаллаҳона анҷом диҳанд. Ба гуфтаи манбаъ, аз онҳо 3 силоҳи оташфишони М-16, автомати Калашников, 3 таппонча, 10 норинҷаки дастӣ, як дурбини шаббин, маводи тарканда ва дигар муҳимоти ҷангӣ мусодира гардид.
Ин ниҳод ҳукумати Толибон*ро ба он муттаҳам кард, ки „дар иҷрои уҳдадориҳои байналмилалӣ ва ваъдаҳои пайдарҳами худ ҷиҳати таъмини амнияту субот дар сарҳади давлатӣ бо Тоҷикистон ва мубориза бо аъзоёни ташкилотҳои террористӣ ноуҳдабароӣ, бемасъулиятии ҷиддӣ ва такроршаванда нишон медиҳад“.
Мақомоти Тоҷикистон изҳори умедворӣ карданд, ки ҳукумати Толибон аз мардуми Тоҷикистон узрхоҳӣ карда, „барои таъмини амният дар сарҳад бо Тоҷикистон тадбирҳои иловагии натиҷаманд меандешад“.
Ҳукумати Толибон то кунун дар робита ба ин қазия вокунише нишон надодааст.
»Ансоруллоҳ«, ки нерӯҳои он асосан аз зодагони кишварҳои Осиёи Марказӣ иборатанд, як гурӯҳи ифротиест, ки дар Тоҷикистон террористӣ дониста мешавад.
Ёдовар мешавем, қаблан дар пайи ду ҳамлаи дигар дар рӯзҳои 26 ва 30-юми ноябр аз Афғонистон ба ноҳияҳои наздимарзии Тоҷикистон 5 шаҳрванди Чин кушта ва панҷ нафари дигар захмӣ шуданд. Ин ҳамлаҳо аввал ба бошишгоҳи як ширкати маъдантозакунӣ дар ноҳияи Шамсиддин Шоҳин ва баъдан ба як ширктаи роҳсозӣ дар ноҳияи Дарвоз сурат гирифтанд.
Тоҷикистон ин ҳамлаҳоро шадидан маҳкум карда аз „Толибон“ хоста буд, ки омилони онро дастгир кунанд. ВКХ-и ҳукумати Толибон гуфт, ки ҳамла тавассути гурӯҳҳое анҷом шудааст, ки ҳадафашон „эҷоди бесуботӣ ва беэътимодӣ миёни кишварҳои минтақа аст“.
Эмомалӣ Раҳмон, раисҷумҳури Тоҷикистон ин ҳамлаҳоро шадидан маҳкум карда, ба роҳбарони мақомоти қудратии кишвар дастур дод, ки „доир ба ҳалли масъала ва пешгирӣ аз такрори чунин ҳодисаҳои нохуш аз чораю тадбирҳои муассир кор бигиранд“.
*Дар Тоҷикистон гурӯҳи террористӣ эътироф шудааст.
Сарчашма:asiaplustj.info
Комментарии (0)