Барои пешгирии бемориҳои зоонозӣ ҷаласа доир карда шуд

Бемориҳои зоонозӣ хоси ҳайвонот буда, аз ҷумла ҳангоми тамос бо ҳайвони касал ба инсон низ сироят мекунанд. Ин бемориҳо тавассути микроб, бактерия ва вирусҳо таъсир мерасонанд. Тамоми бемориҳое, ки аз зери назар дур мемонанд ва сари вақт барои пешгирии паҳншавии он тадбирҳои мушаххас андешида намешаванд, ба саломатии одамон хатари ҷиддӣ доранд. Дар баъзе мавридҳо одитарин бемориҳо сабаби марги инсон мегарданд.

Дар ҷаласа гуфта шуд, ки тибқи муқаррароти санадҳои танзимкунандаи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ҳар як ҳолати бемории сироятии ниҳоят хавфнок ба қайд гирифта мешавад. Ҳамзамон нисбат ба онҳо аз сатҳи муассисаи бақайдгирифта ба сатҳи болоӣ давоми ҳар 24-48 соат хабарномаҳои фаврӣ пешниҳод карда мешаванд.

Дар сатҳи шаҳру ноҳияҳо оид ба ҳар чунин ҳодиса мубодилаи байнисоҳавии маълумот анҷом дода шуда, мақомоти маҳаллии Кумитаи бехатарии озуқавории назди Ҳукумати Ҷумҳурии Тоҷикистон аз он огоҳ карда мешавад.

Сарчашма: khovar.tj