"Prado"-и 620 ҳазор сомонии раиси ноҳияи Ёвон

Ҳукумати ноҳияи Ёвон барои раиси ноҳия ба маблағи 620 ҳазор сомонӣ мошини Toyota Land Cruiser Prado харидорӣ кардааст.

Як манбаъ аз раёсати молияи ноҳияи Ёвон хабар дод, ки барои раиси ин ноҳия мошини хизматии “Toyota Land Cruiser Prado” ба маблағи 620 ҳазор сомонӣ харидорь шудааст.
Худи раиси ноҳияи Ёвон, Ҷамшед Саидзода рӯзи 16-уми феврал зарурати харидории ин мошини хизматиро шарҳ дод.

“Ин мошини хизматиро мо аз ҳисоби сметаи хароҷотии соли 2020 харидорӣ кардем, на соли 2021. Мошини хизматии қаблии раиси ноҳия 13 сол хизмат карда буду фарсуда шуда буд. Чанд маротиба ҳангоми сафарҳои хизмати вайрон шуд. Агар хоҳем, ки ҳамеша дар байни мардум бошем ва ба маҷлисҳои ҳукумату вилоят, ки дар ҳар гӯшаю канори вилоят мешаванд равем, бояд мошини хидматӣ бошад. Бе мошини хидмати ҳам намешавад. Мо ин мошинро бо иҷозаи Сарраёсати молияи вилоят харидорӣ кардем на аз ҳисоби ноҳия”,- гуфт Сатдзод.

Ин дар ҳолест, ки тибқи як банди 27-и протоколи маҷлиси  Ҳукумати Ҷумҳурии Тоҷикистон аз 13 июли соли 2020 харидории мошинҳои хидматӣ, таъмиру сохтмон ва ҷудо кардани воҳидҳои корӣ қатъиян манъ карда шудааст.  
Read more: https://www.asiaplustj.info/tj/news/tajikistan/power/20220217/prado-i-620-azor-somonii-raisi-noiyai-yovon