Саховатманде, ки номашро нагуфт: кӣ ба беморхонаи Ҳисор дастгоҳи нафасдиҳии гарон бурд?
Дар шаҳри Ҳисор чанд марди саховатпеша ба мардум кӯмак расонида, нахостаанд, ки номашон ифшо шавад. Ба беморхнаи Ҳисор як саховатпешаи дигар дастгоҳи нафасдиҳии гаронарзиш дастрас кардааст
Фотеҳҷон Ашӯров, соҳибкор ва марди саховатпешае дар Ҳисор ба беморхонаи шаҳрӣ дастгоҳи нафасдиҳӣ дастрас кардааст, ки дар робита бо вазъи бамиёномадаи коронавирус арзишаш ба маротиб боло рафтааст.
Нурмуҳаммад Аҳмадзода, директори ҶДММ "Қоғази Шарора" Фарҳодҷон Шаробов, директори бозори "Самоҳ" Мақсуд Солиев чанд соховатманди дигаре будаанд, ки ба сокинон кӯмак расонидаанд.
"Дар шаҳри мазкур даҳҳо нафарони дигаре, ки дар роҳи наҷоти миллат аз ин бемории сироятӣ корҳои хайру савоб анҷом дода, зикри номашонро ҷоиз намедонанд, шоистаи таҳсин мебошанд", - менависад "Ховар".
Ҳамчунин, вакили Маҷлиси намояндагони Маҷлиси Олии Ҷумҳурии Тоҷикистон Сураё Уроқова ба табибону кормандони Беморхонаи бемориҳои сироятии шаҳри Ҳисор маводи хӯрока- орд, равған, биринҷ, макарон тақсим кардааст.
Ӯ ҳамзамон бо табибон, хешону пайвандони беморон суҳбат намуда, ба онҳо риоя кардани талаботи тарзи ҳаёти солимро ташвиқ намудааст.
Комментарии (0)