Сафи бекорон дар Бадахшон боз зиёдтар шуд: даҳҳо нафар кормандонро аз вазифа ронданд
Дар Бадахшон даҳҳо нафар аз кормандони ниҳодҳои гуногун барои нагузаштан аз атестатсия аз кор ронда шуданд
Ожонси хидмати давлатӣ дар Бадахшон бо баргузор намудани аттестатсия даҳҳо кормандони ниҳодҳои гуногунро аз вазифа сабукдӯш намуд.
Сухангӯи мақомоти иҷроияи Вилояти Мухтори Кӯҳистони Бадахшон Ғолиб Ниятбеков ба Sputnik Тоҷикистон иттилоъ дод, ки феълан шумораи умумии аз кор рондашудагон маълум нест.
Ба гуфтаи Ниятбеков аз нисф бештари кормандонро, бинобар ҷавобгӯ набудан ба талаботҳои тахассусӣ аз вазифа ронданд.
"Аснои санҷиш муайян гардид, ки бештари кормандон берун аз ихтисоси худ фаъолият мекунанд, ки дар натиҷа ҳамаи онҳо аз кор ронда шуданд", - изҳор намуд сухангӯи мақомоти иҷроияи ВМКБ.
Вай афзуд, аксари кормандоне, ки дар Бадахшон ихтисор шуданд, дар бахшҳои молия, бонкдорӣ, гумрук ва сармоягузорӣ фаъолият мекарданд.
Ронда шудани даҳҳо кормандони касбу кори гуногун дар Бадахшон дар ҳолест, ки мушкили бекорӣ солҳо боз домангири ин вилоят аст.
Комментарии (0)