ДУЗДӢ

01.10.2019 шаҳрванд Азимова Фарзона Элҷоновна 1991 с/т, миллаташ тоҷик, бекор, истиқоматкунандаи ҷ/ш Данғара, маҳаллаи-4 х.б/р ба ШВКД ноҳияи Данғара муроҷиат намуд, ки аввалҳои моҳи июли соли 2019 тахминан соати 22.30-дақиқа шахси номаълум бо роҳи пинҳонӣ ба хонаи истиқоматиаш даромада, аз дохили ҷевон 2.700-сомониро дуздида, аз ҷойи ҳодиса ғайб задааст. Ҳангоми гузаронидани чорабиниҳои оперативӣ-ҷустуҷӯӣ шаҳрванд Нуров Муҳаммад Холмуродович 1987 с/т, миллаташ тоҷик, бекор, истиқоматкунандаи ҷ/ш Данғара, кӯч. Н.Қарабоев х.121, пеш бо моддаҳои 237 ва 244 КҶ ҶТ суд шудааст, дастгир карда шуд. 

02.10.2019 шаҳрванд Азимов Абдусаттор Абдураззоқович 1970 с/т, миллаташ тоҷик, ҷойи кораш духтури беморхонаи вилоятии ш.Кулоб, истиқоматкунандаи маҳаллаи Офтобрӯя х.165 ба ШВКД ш.Кӯлоб муроҷиат намуд, ки санаи 01.10.2019 сол тахминан соати 13.30-дақиқа шахси номаълум дар нуқтаи фурӯши машруботи спиртӣ ба номи “Шукрона”, воқеъ дар маҳаллаи Борбад, бо роҳи пинҳонӣ аз ҷайби шими варзишиаш 5.000-сомониро дуздида, аз ҷойи ҳодиса ғайб задааст. Ҳангоми гузаронидани чорабиниҳои оперативӣ-ҷустуҷӯӣ шаҳрванд Сарбозова Гулнора Беговна 1986 с/т, миллаташ тоҷик, ҷойи кораш пешхизмати дӯкони мазкур, истиқоматкунандаи маҳаллаи Ш.Шоҳин х.11, ҳ.56, дастгир карда шуд.  

02.10.2019 шаҳрванд Тоҷибоева Мастура Неъматҷоновна 1981 с/т, миллаташ тоҷик, бекор, истиқоматкунандаи кӯч. М.Собирова х.64 ба ШВКД ш.Хуҷанд муроҷиат намуд, ки санаи 21.09.2019 сол тахминан соати 13.00-дақиқа шахсони номаълум бо роҳи пинҳонӣ ба хонаи истиқоматиаш даромада, аз он ҷо 1-адад ноутбуки тамғаи “ASUS”-ро дуздида, аз ҷойи ҳодиса ғайб задаанд. Зарари расонидашуда 2.900-сомониро ташкил медиҳад. Ҳангоми гузаронидани чорабиниҳои оперативӣ-ҷустуҷӯӣ шаҳрванд Солиев Фирдавсҷон Фурқатҷонович 2001 с/т, миллаташ тоҷик, бекор, истиқоматкунандаи кӯч. М.Собирова х.65, дастгир карда шуд. Нисбати шаҳрванд Солиев Ф.Ф. парвандаи ҷиноятӣ бо моддаи 244 қ.2 КҶ ҶТ оғоз карда шуда, тафтишот идома дорад.