Маълум шуд, дар Ӯзбекистон барои табобати як бемори COVID - 19 чанд млн сарф мешавад
Дар Ӯзбекистон барои табобати як бемори гирифтори коронавирус, бо вазъи миёна, 32 миллион сум ( беш аз 32 ҳазор сомонӣ ) масраф мешавад
Вазири тандурустии Ӯзбекистон Алишер Шодмонов ба рӯзноманигорон гуфт, табобати як бемори гирифтори коронавирус чанд пул меистад.
Ӯ қайд кард, ки дар Ӯзбекистон барои табобати як бемори гирифтори коронавирус, бо вазъи миёна, 32 миллион сум ( 3 ҳазору 156 доллари амрикоӣ) масраф мешавад.
Агар бемор дар ҳолати вазнин қарор дошта бошад, ин рақам ду баробар зиёд мешавад - 64 миллион сум ( 6 ҳазору 312 доллари амрикоӣ).
Дар ҳамин ҳол, ҳукумат барои қарантинаи ду ҳафтаинаи як нафар 2,4 миллион сум ( тақрибан 236 доллар ) сарф мекунад.
Дар баробари ин барои табобати 14 рӯзаи ҳар бемори аз коронавирус шифоёфта 2,8 миллион сум ( тақрибан 276 доллар ) масраф мешавад.
Бояд гуфт, ки шумораи умумии гирифторони коронавирус то рӯзи 24 апрел дар Ӯзбекистон 1778 касро ташкил медиҳад ва аз ин теъдод 561 кас шифо ёфтанд.
Комментарии (0)