Рустами Эмомалӣ ҷавонони аз 18 то 27-соларо ба артиш даъват кард
Тибқи қарори шаҳрдори Душанбе, шаҳрвандони солҳои таваллуди 1992-2001 кишвар ба хизмати ҳарбӣ даъват мешаванд
Рустами Эмомалӣ, шаҳрдори Душанбе, имрӯз, 18 - уми июл, қарор дар бораи омодагӣ ба даъвати тирамоҳии сокинони пойтахт ба хизмати ҳарбӣ дар соли 2019-ро ба имзо расондааст.
Тавре дафтари матбуоти шаҳри Душанбе хабар дод, сокинони синни 18 ва калонтари пойтахт, ки ҳуқуқи ба таъхир андохтани мӯҳлати даъват ё озод будан аз даъват ба хизмати ҳарбиро надоранд, барои хизмати ҳарбӣ даъват карда мешаванд.
Тибқи қарори шаҳрдори Душанбе сокинони солҳои таваллудашон 1992-2001 ба хизмати ҳарбӣ даъват карда мешаванд.
Шаҳрдор бо мақсади дар сатҳи зарурӣ баргузор намудани мавсими даъвати тирамоҳии соли 2019 ба мақомоти дахлдори шаҳр дастуру супоришҳо додааст.
Назорати иҷрои қарори мазкур ба зиммаи муовини раиси шаҳри Душанбе вогузор гардидааст.
Комментарии (0)