Ваъдаи Жээнбеков ба сокинони наздимарзӣ: мушкилатонро ҳал мекунем

Айни замон сарони ду кишвар ба Исфара раҳсипоранд. Мулоқоти президентҳо фардо дар Чолпон-Оте идома хоҳад кард

 Кишвардорони Тоҷикистону Қирғизистон Эмомалӣ Раҳмон ва Сооронбой Жээнбеков бо сокинони наздимарзии ду кишвар дидору мулоқот карданд, хабар медиҳад котиботи раисиҷумҳури Қирғизистон.

Сарони ду давлат муҳимиммияти нигоҳдории сулҳу осоиштагӣ ва дӯстии чандинасраи миёни халқи ду кишварро таъкид карда, барои аз байн бурдани мушкилоти сокинони наздимарзӣ изҳори омодагӣ кардаанд.

Сооронбой Жээнбеков гуфтааст, ки Қирғизистон муносиботи бародарона бо Тоҷикистонро қадр мекунад.

"Мо шароити зисти сокинони кишварамонро дар ноҳияҳои марзӣ хуб медонем, аз ҳамаи мушкилоти онҳо огоҳем ва тамоми чораҳоро хоҳем дид, то мардуми маҳаллӣ мушкил надошта бошанд. Мехоҳем марзҳои худро ба дарвозаҳои сулҳу дӯстӣ ва ҳамсоядорӣ табдил диҳем. Ман бар инам, ки мушкилоти ҳанлношуданӣ нест", - қайд кардааст Жээнбеков.

Сарони кишварҳо ба Исфара раҳсипор шудаанду, он ҷо масоили ҳамкориҳои дуҷонибаро баррасӣ карда, масъалаи аломатгузорӣ дар марзро низ дахолат хоҳанд кард.