Чӣ гуна зани тоҷик устои ҳирфаии сохтмону таъмири хона шуд?

Хаймагул Мирзоева беш аз 30 сол аст, ки ба таъмир ва сохтмони хона машғул аст. Дар ин муддат ӯ дар сохтмони садҳо хона саҳм дошта, ҳазорҳо хонаи дигарро таъмир кардааст. Коре, ки аксаран мардона меҳисобанд.


Ӯ устогиро нахуст аз Тоҷикистон оғоз кард, баъдтар ба муҳоҷират рафт ва тӯли 15 сол дар сохтмонҳои Русия кор карда, устои ҳирфаӣ шуд.

Ҳоло Мирзоева кори худро дар Тоҷикистон идома медиҳад. Муштариёни ӯ бештар сокинони шаҳри Душанбе ва гирду атрофи он мебошанд.
 Чаро ӯ касберо интихоб кард, ки барои занон ғайримаъмул ҳисобида мешавад ва ба кадом мушкилиҳо рӯ ба рӯ аст? Посухи Мирзоева ба ин ва дигар саволҳоро дар гузориши «Азия Плюс» бинед.




Сарчашма: asiaplus.news​