Швейтсария омода аст, майдони музокирот барои ҳалли низои Украина шавад

Швейтсария бо ҳамаи ҷонибҳои низоъ дар Украина тамос мегирад ва омода аст, ки барои музокирот майдон пешниҳод кунад.Дар ин бора, аз Вазорати корҳои хориҷии Швейтсария ба РИА Новости хабар додаанд."Швейтсария аз ҳама ташаббусҳои дипломатӣ, ки ба даст овардани сулҳи одилона ва пойдор дар Украина нигаронида шудаанд, пуштибонӣ мекунад. Департаменти федералии корҳои хориҷӣ бо ҳамаи ҷонибҳо тамос мегирад ва пайваста хидматҳои хуби худро пешниҳод мекунад«, — гуфтаанд намояндагони Вазорат.

Қаблан, президенти Русия Владимир Путин дар мулоқот бо фиристодаи махсуси президенти ИМА Стив Уиткофф омодагии Маскавро барои аз сар гирифтани музокироти сеҷониба дар бораи Украина тасдиқ кард.

Ба гуфтаи ёвари президенти Русия Юрий Ушаков, музокирот метавонанд дар охири моҳи ноябр дар Абу-Дабӣ баргузор шаванд.

Раванди сулҳ дар Украина

Даври аввали музокироти гурӯҳи кории сеҷониба, ки намояндагони Русия, Украина ва Иёлоти Муттаҳидаро дар бар мегирад, 23 ва 24 январ баргузор шуд.Ҷонибҳо масъалаҳои ҳалношудаи нақшаи сулҳи пешниҳодкардаи Вашингтонро дар паси дарҳои баста баррасӣ карданд.

 Музокироти дигар бояд 1 феврали ҳамин сол баргузор мешуд, вале пасон ба таъхир гузошта шуд.


Сарчашма: sputnik.tj