Дар Русия ба занон хидмати қарордодиро пешниҳод кардаанд

Комиссариати ҳарбии Северодвински Русия ба занон ва шаҳрвандони давлатҳои хориҷӣ хидмати шартномавиро пешниҳод дорад.
Эълон дар бораи қабул ба хидмат дар сомонаи ҳукумати шаҳр нашр шудааст. Дар он гуфта мешавад, шаҳрвандони хориҷӣ бояд аз 18 то 30 сол дошта, дар Русия қонунӣ ҳузур дошта бошанд.
Ба довталабони хидмат аз 200 ҳазор рубл маош ва имкони гирифтани “ипотека” (қарз барои харидани хона) ваъда дода шудааст. Гуфта мешавад, пули харидории манзилро Вазорати дифоъ мепардозад.
Рӯзи 24-уми феврал Русия бо фармони Владимир Путин ба Украина ҳамла кард. Маскав онро "амалиёти махсуси низомӣ" номид. Дар қаламрави Русия вазъияти ҳарбӣ эълон нашудааст, аммо осмони ҷануби кишвар барои ҳавопаймоҳои ғайринизомӣ баста аст.