Суҳбати дӯстонаи Эмомалӣ Раҳмон бо Владимир Путин дар зодрӯзаш
Раисиҷумҳури Тоҷикистон Эмомалӣ Раҳмон дар рӯзи зодрӯзи ҳамтои русаш Владимир Путин ба унвони ӯ ҳам барқияи табрикотӣ равон кардааст ва ҳам тариқи телефон суҳбати дӯстона оростааст
Рӯзи 7 октябри соли 2019, Президенти Ҷумҳурии Тоҷикистон Эмомалӣ Раҳмон бо Президенти Федератсияи Русия Владимир Путин суҳбати телефонӣ анҷом дод.
Бино ба гузориши котиботи раисиҷумур, дар ҷараёни суҳбати самимӣ ва дӯстона Эмомалӣ Раҳмон бо ибрози беҳтарин таманниёт Владимир Путинро бо зодрӯзаш табрик намудааст.
"Президенти Ҷумҳурии Тоҷикистон нақши бузурги Владимир Путинро дар раванди рушди муносибатҳои дӯстӣ ва ҳамкориҳои босамари миёни Тоҷикистон ва Русия таъкид карданд", - омадааст дар хабарнома.
Зимнан омодагӣ ба талошҳои муштараки ҳадафманд ба хотири таҳкими шарикии стратегии Тоҷикистон ва Русия дар маҷрои манфиатҳои аслии мардумони ду кишвар ва ба хотири таъмини суботу амнияти минтақа баён гардидааст.
Қаблан сарвари давлати Тоҷикистон унвонии Президенти Федератсияи Русия барқияи табрикотӣ ирсол намуд.
Президенти Русия Владимир Путин рӯзи 7 октябр 67 сола мешавад. Сухангӯи кишвардор Дмитрий Песков гуфт, ки Путин зодрӯзашро бо аҳли хонавода дар иҳотаи табиат таҷлил хоҳад кард.
Комментарии (0)