Дидори Эмомалӣ Раҳмон ва Сооронбой Жээнбеков дар марз
Раисиҷумҳури Тоҷикистон Эмомалӣ Раҳмон ва президенти Қирғизистон Сооронбой Жээнбеков дар марзи ду кишвар дидор карданд
Кишвардорони Тоҷикистону Қирғизистон дар ҷамоати Ворухи шаҳри Исфара вохӯрданд.
"Кишвардорон дар деҳоти Ворух дидор карда бо мардуми марзии ду кишвар мулоқот карданд", - омадааст дар хабарнома.
Интизор меравад, ки давоми мулоқоти сарони ду кишвар дар шаҳри Исфара ва пасон дар Чолпон-Оте идома хоҳад кард.
Гуфта мешавад, ки барои таъмини амнияти президентҳо, аз Душанбе ба Исфара қувваҳои иловагӣ аз ҳисоби кормандони мақомоти қудратӣ, равон карда шудаанд.
Ёдовар мешавем, ки раисиҷумҳури Тоҷикистон Эмомалӣ Раҳмон имрӯз, 26 июл ба шаҳри Исфара сафар карда, бо сокинони марзии вилояти Суғд дидору мулоқот мекунад.
Дар назар аст, ки пас аз мулоқот бо сокинон, президенти Тоҷикистон ба Қирғизистон рафта аз Иссиқ-кӯл боздид менамояд.
Комментарии (0)