Немис нашри Зеленскийни Германия ҳукуматини ҳақоратлашда айблади

Украина президенти Владимир Зеленский АҚШ президенти Дональд Трампнинг Германия канцлери Ангела Меркелнинг ҳаракатсизлиги ҳақидаги сўзларига қўшилиб, Германия ҳукуматини ҳақорат қилди. Бу ҳақда Der Spiegel немис нашри ёзди.
Трамп Зеленский билан июлдаги суҳбатида Меркелни “кўп гапиради, бироқ кам иш қилади”, деб айтган. Зеленский бунга жавобан “Сиз 100 фоиз эмас, минг фоиз ҳақсиз”, деб айтган.
Нашрнинг ёзишича, Украина президентининг бу сўзлари Берлинда норозилик келтириб чиқарган, чунки суҳбат вақтида канцлернинг бошқа дипломатик хизматлари эсга олинмаган.
“Биринчи навбатда айнан Германия канцлери ва ўшандаги ташқи ишлар вазири Штайнмайер минтақа [Украина] ҳарбий ихтилоф ўчоғига айланиб кетмаслиги учун барча ишни қилишган”, деб айтган бундестаг аъзоси Рольф Мютцених.
Таъкидланишича, Трамп ва Зеленский суҳбати матни кенг омма учун мўлжалланмаган эди ва демак, уларнинг айтган сўзларини жиддий қабул қилиш керак. Нашрнинг таъкидлашича, Энди Украинанинг Берлиндаги элчиси вазиятни “текислашига” тўғри келади. Ваҳоланки, аввалроқ элчи Зеленский “Германия канцлерининг Украина ишларидаги улкан иштирокини қадрлашини” айтган.