Шов-шувли баёнот: UFC чемпиони Дональд Трампни кескин танқид қилди...

UFC’нинг ўрта вазн тоифасидаги амалдаги чемпиони, америкалик 35 ёшли Шон Стрикленд АҚШ Президенти Дональд Трамп ва унинг сиёсатини кескин танқид остига олди. Тўғридан-тўғри ва можароли баёнотлари билан танилган спортчи Трампнинг митингларидаги муҳитни даҳшатли тарихий даврларга ўхшатди.

Ушбу шов-шувли интервью ва баёнотни LowKick MMA портали эълон қилди.

«Сиз уларнинг юзига очиқдан-очиқ тупуряпсиз"Стрикленд ўз чиқишида дастлаб АҚШдаги инфляция, ёқилғи нархининг ошиши ва бунинг оддий оилалар бюджетига кўрсатаётган салбий таъсири ҳақида гапириб, Трамп маъмуриятини ўзига овоз берган аҳоли манфаатларини эътиборсиз қолдиришда айблади:

«Одамлар Трампга шундай дейишади: „Дўстим, сенга инфляция туфайли ёқилғи ва оилавий харажатларимиз барибир, чунки сен мультимиллионерсан“. Аммо Флорида ва Техасда йилига ўртача 50-60 минг доллар ишлайдиган ҳар бир америкалик ҳақида ўйлаб кўриш керак.

Йилига 60 минг доллар топадиган одамни олайлик. Инфляция 4 фоизга ошди, бензин нархи кескин кўтарилди. Натижада унинг турмуш харажатларига минглаб доллар қўшилади. Сиз оилаларга босим ўтказяпсиз. Ахир булар сизга овоз берган ва атрофингизда бирлашган одамлар-ку, сиз эса уларнинг юзига очиқдан-очиқ тупуряпсиз. Нима учун?», — деди UFC чемпиони."Гитлер қандай пайдо бўлганини энди тушуняпман"Шунингдек, спортчи Дональд Трампнинг оммавий митингларида бўлганида гувоҳи бўлган ҳолатлар ва тарафдорларининг кўр-кўрона эргашиши ҳақида тўхталиб, кутилмаган ўхшатма келтирди:

«Сиз ҳеч Трампнинг митингида бўлганмисиз? Бу ақлдан озиш! У ерда бўлганингда: „О, мен Гитлер қандай пайдо бўлганини энди тушуняпман“, деб ўйлайсан. Йўқ, ҳазиллашмаяпман. Бу ердаги барчанинг соғлом фикрлашига шубҳа билан қарашга мажбур қилади.

Трамп у ерда байроқни ёққани учун одамларни қамоққа ташлаш ҳақида гапираётганди ва мен: „Бундай қилмаслик керак, Конституция бор“, деб ўйладим. Қолганлар эса шунчаки бақиришарди: „Ҳа, уни қаманглар!“. Агар Трамп: „Тўппончани олинглар ва хоҳлаган ишингизни қилинглар“, деганида, улар, лаънати, буни ҳам қилишарди», — дея қўшимча қилди Шон Стрикленд.Фикрингизни изоҳда қолдиринг ва мақолани танишларингизга Telegram ёки бошқа ижтимоий тармоқлар орқали улашинг.