Аҳмадзода аз осебдидагони шаҳри Конибодом хабар гирифт
Раҷаббой Аҳмадзода, раиси вилояти Суғд ба шаҳри Конибодом сафар карда аз рафти бартарафсозии оқибатҳои табиӣ ошно шуд
Раиси вилояти Суғд Раҷаббой Аҳмадзода аз рафти бартарафсозии оқибатҳои офати табиӣ ба шаҳри Конибодом сафар кард, иттилоъ додааст дафтари матбуоти ҳукумати вилояти Суғд.
Бино бар иттилои манбаъ, зимни боздиди Раиси вилоят аён гардид, тозакунии хонаҳои сокинон идома дошта, сарбозони қисмҳои низомӣ, кормандони ташкилоту идораҳо ва сокинони дигар минтақаҳои шаҳр ба зарардидагон кӯмак расонида истодаанд.
“Ҳамзамон ба зарардидагони офати табиӣ се вақт хӯроки гарм ва дигар лавозимоти зарурӣ барои рӯзгор дастрас гардида, фаъолони шаҳр низ мунтазам кӯмаки худро расонида истодаанд”, - таъкид намулдааст манбаъ.
Ёдрас мешавем, ки шаби дуюми июн бар асари боришоти зиёди борон дар ҷамоатҳои ба номи Ғ.Ортиқов ва Пӯлотони шаҳри Конибодом сел омад ва офати табиӣ ба хоҷагии халқи шаҳр зиёни худро расонид. Бо мақсади бартарафкунии оқибатҳои офати табиӣ аз рӯзҳои аввал тибқи дастури роҳбарияти вилоят ситоди доимамалкунанда таъсис ёфта, тозасозии хонаҳои сокинон аз лойу рег ба таври муташаккилона ба роҳ монда шуд.
Комментарии (0)