Ҷасадеро пайдо карданд. Беш аз 200 наҷотдиҳанда раиси ВМКБ ва ҳамроҳонашро ҷустуҷӯ доранд

​Манбаъ навиштааст, ки наҷотдиҳандагон ҷасадро тақрибан 20 километр поёнтар аз макони сарозер шудани мошини хидматии раиси ВМКБ пайдо карданд ва шояд ба ҳодиса марбут бошад.

Гуфта мешавад, ки ҳоло сохторҳои дахлдор барои муайян намудани шахсияти ҷасади дарёфтшуда талош доранд.

Бинобар иттилои дастрас, ҳоло беш аз 200 наҷотдиҳандаи Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон аз Раёсати Кумита дар ВМКБ, минтақаи Кӯлоб, Раёсати таиноти махсусгардонидашудаи кофтуковӣ наҷотдиҳии Кумита, дар якҷоягӣ бо мақомоту сохторҳои дахлдор раиси ВМКБ ва ҳамроҳонашро ҷустуҷӯ доранд.


Сарчашма: dialog.tj​