Соли 2025 Тоҷикистон қариб $7 млрд сармояи хориҷӣ ҷалб кардааст
Соли 2025 Тоҷикистон қариб 7 миллиард доллар сармояи хориҷӣ ҷалб кардааст, ки нисбат ба соли 2024 наздики 2 миллиард доллар ё 35,1 дарсад зиёд мебошад. Дар ин бора Султон Раҳимзода, раиси Кумитаи давлатии сармоягузорӣ ва идораи амволи давлатӣ имрӯз зимни нишасти хабарӣ иттилоъ дод.
Ба гуфтаи ӯ, соли 2025 воридоти сармояи хориҷӣ ба иқтисодиёти Тоҷикистон 6 миллиарду 925 миллиону 300 ҳазор долларро ташкил додааст, ки ин нишодиҳанда нисбат ба соли 2024 дар ҳаҷми 1 миллиарду 798 миллиону 600 ҳазор доллар зиёд мебошад.
Раҳимзода гуфт, дар ин давра воридоти сармояи хориҷӣ аз давлатҳои Иттиҳоди давлатҳои мустақил 3 миллиарду 31 миллион доллар ё 43,8 дарсади ҳаҷми умумиро ташкил карда, нисбат ба соли 2024 дар ҳаҷми 1 миллиарду 67 миллион доллар ё 54,4 дарсад зиёд шудааст.
Раиси Кумита афзуд, воридоти сармояи хориҷӣ аз кишварҳои хориҷии дур 3 миллиарду 894 миллион доллар ё 56,2 фоиз аз ҳаҷми умумиро ташкил карда, дар муқоиса ба соли 2024-ум 731 миллиону 300 ҳазор доллар ё 23,1 фоиз зиёд шудааст.
«Бо мақсади ҷалби сармояи мустақими хориҷӣ ба иқтисодиёти мамлакат, ташкили ҷойҳои нави корӣ, баланд бардоштани иқтидори истеҳсолию содиротии кишвар ва дар ин замина, ба роҳ мондани истеҳсоли маҳсулоти ивазкунандаи воридот, дар давраи ҳисоботӣ аз ҷониби Кумита тибқи қарорҳои дахлдори ҳукумати Тоҷикистон 9 созишномаи сармоягузорӣ ба маблағи умумии 681,2 миллион доллар бо ташкили беш аз 3 ҳазору 778 ҷойҳои кории нав ба имзо расонида шуд, ки татбиқи лоиҳаҳои афзалиятноки сармоягузориро дар соҳаҳои гуногуни иқтисодиёт дар бар мегирад», — гуфт Султон Раҳимзода.
Раиси Кумитаи давлатии сармоягузорӣ ва идораи амволи давлатӣ таъкид кард, ки яке аз омилҳои муҳими таъмини ҷалби сармояи хориҷӣ ин такмили заминаи меъёрии ҳуқуқӣ ва ба талаботи замони муосир мутобиқ намудани қонунгузорӣ дар самти сармоягузорӣ ба ҳисоб меравад. Бо ин мақсад, бо пешниҳоди Кумита Қонуни ҶТ «Дар бораи сармоя ва ҳавасмандгардонии фаъолияти сармоягузорӣ» дар таҳрири нав аз 14-уми майи соли 2025 қабул шуд.
Сарчашма: asiaplustj.info
Ба гуфтаи ӯ, соли 2025 воридоти сармояи хориҷӣ ба иқтисодиёти Тоҷикистон 6 миллиарду 925 миллиону 300 ҳазор долларро ташкил додааст, ки ин нишодиҳанда нисбат ба соли 2024 дар ҳаҷми 1 миллиарду 798 миллиону 600 ҳазор доллар зиёд мебошад.
Раҳимзода гуфт, дар ин давра воридоти сармояи хориҷӣ аз давлатҳои Иттиҳоди давлатҳои мустақил 3 миллиарду 31 миллион доллар ё 43,8 дарсади ҳаҷми умумиро ташкил карда, нисбат ба соли 2024 дар ҳаҷми 1 миллиарду 67 миллион доллар ё 54,4 дарсад зиёд шудааст.
Раиси Кумита афзуд, воридоти сармояи хориҷӣ аз кишварҳои хориҷии дур 3 миллиарду 894 миллион доллар ё 56,2 фоиз аз ҳаҷми умумиро ташкил карда, дар муқоиса ба соли 2024-ум 731 миллиону 300 ҳазор доллар ё 23,1 фоиз зиёд шудааст.
«Бо мақсади ҷалби сармояи мустақими хориҷӣ ба иқтисодиёти мамлакат, ташкили ҷойҳои нави корӣ, баланд бардоштани иқтидори истеҳсолию содиротии кишвар ва дар ин замина, ба роҳ мондани истеҳсоли маҳсулоти ивазкунандаи воридот, дар давраи ҳисоботӣ аз ҷониби Кумита тибқи қарорҳои дахлдори ҳукумати Тоҷикистон 9 созишномаи сармоягузорӣ ба маблағи умумии 681,2 миллион доллар бо ташкили беш аз 3 ҳазору 778 ҷойҳои кории нав ба имзо расонида шуд, ки татбиқи лоиҳаҳои афзалиятноки сармоягузориро дар соҳаҳои гуногуни иқтисодиёт дар бар мегирад», — гуфт Султон Раҳимзода.
Раиси Кумитаи давлатии сармоягузорӣ ва идораи амволи давлатӣ таъкид кард, ки яке аз омилҳои муҳими таъмини ҷалби сармояи хориҷӣ ин такмили заминаи меъёрии ҳуқуқӣ ва ба талаботи замони муосир мутобиқ намудани қонунгузорӣ дар самти сармоягузорӣ ба ҳисоб меравад. Бо ин мақсад, бо пешниҳоди Кумита Қонуни ҶТ «Дар бораи сармоя ва ҳавасмандгардонии фаъолияти сармоягузорӣ» дар таҳрири нав аз 14-уми майи соли 2025 қабул шуд.
Сарчашма: asiaplustj.info
Комментарии (0)