Дар Хатлон як мардро барои бо барқ куштани ҳамсараш 21 сол зиндонӣ кардаанд
Додгоҳи Хатлон Чорӣ Қулиев, як сокини ноҳияи Носири Хусрави ин вилоятро барои бо барқ куштани ҳамсараш ба муддати 21 сол аз озодӣ маҳрум кардааст. Ҳукми додгоҳ 16-уми октябри соли 2025 содир шуда, «Азия-Плюс» ба тозагӣ бо он шинос шуд.
Варқа Зайниддин, ёвари додситони Хатлон ба «Азия-Плюс» гуфт, ҳодиса рӯзи 20-уми августи соли гузашта, дар пайи ҷанҷоли зану шавҳар бар сари баргузории тӯйи писарашон рух додааст.
«Сабаби ҷанҷол камбуди маблағ барои хариди ҷиҳози лозима шудааст. Тӯйи арӯсии писарашон мебоист моҳи декабри соли 2025 барпо мешуд. Баъди ҷанҷол Улдона Рӯзиева (ҳамсари маҳкумшуда) хоб мекунад. Дар ин ҳолат Чорӣ Қулиев сангеро дар рӯйпуши болишт андохта, ба пушти сари занаш ду бор мезанад. Баъдан ноқилеро оварда, ба ангуштони дасти ӯ печонда, нӯги дигари онро ба барқ пайваст мекунад. Дар натиҷаи раисиши барқ Улдона Рӯзиева мефавтад», — гуфт Варқа Зайниддин.
Ба қавли ӯ, Чорӣ Қулиев «ба хотири пинҳон кардани ҷиноят» эълон кардааст, ки занаш дар пайи фишорбаландӣ мурдааст. Аммо, ба қавли мақомот, тафтишот маълум кардааст, ки «зан бо барқ кушта шудааст».
Додситонии Хатлон Чорӣ Қулиевро бо ҷурми «куштор бо бераҳмии махсус» (моддаи 104 қисми 2 банди «в», «е» КҶ) муттаҳам кардаст ва бар асоси ин иттиҳом додгоҳ ӯро ба 21 соли зиндон маҳкум кардааст.
Назари маҳкумшуда ва пайвандони ӯ ба ҳукми додгоҳ ва ҳамчунин дар робита ба ин қазия маълум нест.
Ҳодисаи куштори ҳамсар ё ҳамсари собиқ дар пайи нофаҳмӣ дар Тоҷикистон бори аввал нест. Аз ҷумла, чанд рӯзҳ пеш мақомоти ҳифзи ҳуқуқ як сокини 28-солаи деҳаи Ғеши ноҳияи Муъминободро бо гумони куштори ҳамсари собиқаш «дар заминаи хусумату рашк» дастгир кардаанд.
Ҳамчунин, моҳи декабри соли гузашта ВКД аз боздошти як сокини ноҳияи Мир Сайид Алии Ҳамадонӣ хабар дод, ки ба куштори ҳамсараш гумонбар аст. Ин ниҳод мегӯяд, ин мард занашро бо мушту лагад ва чӯбдаст (калтак) задааст.
Дар Тоҷикистон омори алоҳидаи куштори ҳамсарон аз дасти шавҳаронашон нест. Вале Бунафша Файзиддинзода, раиси Кумитаи занон ва оилаи Тоҷикистон дар нишасти матбуотии моҳи феврал соли гузашта гуфта буд, ки соли гузашта 3 ҳазору 246 ҷиноят нисбати занону духтарон содир шудааст.
Тибқи иттилои Вазорати корҳои дохилӣ дар кишвар дар шаш моҳи соли 2025 — 28 ҳолати одамкушӣ ва сӯйиқасд ба ҷон сабт шудааст. Маълум нест, ки дар ин иён чандто куштори ҳамсарон аст.
Сарчашма: asiaplustj.info
Варқа Зайниддин, ёвари додситони Хатлон ба «Азия-Плюс» гуфт, ҳодиса рӯзи 20-уми августи соли гузашта, дар пайи ҷанҷоли зану шавҳар бар сари баргузории тӯйи писарашон рух додааст.
«Сабаби ҷанҷол камбуди маблағ барои хариди ҷиҳози лозима шудааст. Тӯйи арӯсии писарашон мебоист моҳи декабри соли 2025 барпо мешуд. Баъди ҷанҷол Улдона Рӯзиева (ҳамсари маҳкумшуда) хоб мекунад. Дар ин ҳолат Чорӣ Қулиев сангеро дар рӯйпуши болишт андохта, ба пушти сари занаш ду бор мезанад. Баъдан ноқилеро оварда, ба ангуштони дасти ӯ печонда, нӯги дигари онро ба барқ пайваст мекунад. Дар натиҷаи раисиши барқ Улдона Рӯзиева мефавтад», — гуфт Варқа Зайниддин.
Ба қавли ӯ, Чорӣ Қулиев «ба хотири пинҳон кардани ҷиноят» эълон кардааст, ки занаш дар пайи фишорбаландӣ мурдааст. Аммо, ба қавли мақомот, тафтишот маълум кардааст, ки «зан бо барқ кушта шудааст».
Додситонии Хатлон Чорӣ Қулиевро бо ҷурми «куштор бо бераҳмии махсус» (моддаи 104 қисми 2 банди «в», «е» КҶ) муттаҳам кардаст ва бар асоси ин иттиҳом додгоҳ ӯро ба 21 соли зиндон маҳкум кардааст.
Назари маҳкумшуда ва пайвандони ӯ ба ҳукми додгоҳ ва ҳамчунин дар робита ба ин қазия маълум нест.
Ҳодисаи куштори ҳамсар ё ҳамсари собиқ дар пайи нофаҳмӣ дар Тоҷикистон бори аввал нест. Аз ҷумла, чанд рӯзҳ пеш мақомоти ҳифзи ҳуқуқ як сокини 28-солаи деҳаи Ғеши ноҳияи Муъминободро бо гумони куштори ҳамсари собиқаш «дар заминаи хусумату рашк» дастгир кардаанд.
Ҳамчунин, моҳи декабри соли гузашта ВКД аз боздошти як сокини ноҳияи Мир Сайид Алии Ҳамадонӣ хабар дод, ки ба куштори ҳамсараш гумонбар аст. Ин ниҳод мегӯяд, ин мард занашро бо мушту лагад ва чӯбдаст (калтак) задааст.
Дар Тоҷикистон омори алоҳидаи куштори ҳамсарон аз дасти шавҳаронашон нест. Вале Бунафша Файзиддинзода, раиси Кумитаи занон ва оилаи Тоҷикистон дар нишасти матбуотии моҳи феврал соли гузашта гуфта буд, ки соли гузашта 3 ҳазору 246 ҷиноят нисбати занону духтарон содир шудааст.
Тибқи иттилои Вазорати корҳои дохилӣ дар кишвар дар шаш моҳи соли 2025 — 28 ҳолати одамкушӣ ва сӯйиқасд ба ҷон сабт шудааст. Маълум нест, ки дар ин иён чандто куштори ҳамсарон аст.
Сарчашма: asiaplustj.info
Комментарии (0)