Дар Душанбе фаъолияти троллейбусҳо дар хатсайри №12 муваққатан қатъ мегардад

Мақомоти иҷроияи ҳокимияти давлатии шаҳри Душанбе ба таваҷҷуҳи сокинон ва меҳмонони пойтахт мерасонад, ки  шурӯъ аз  имрӯз,  10 апрели соли равон фаъолияти   троллейбусҳо дар хатсайри №12 муваққатан қатъ мегардад. Дар хатсайри троллейбусии мазкур муваққатан ҳаракати автобусҳо бо рақами хатсайри №12 ба роҳ монда мешавад. 

Ин тағйирот  бинобар сабаби анҷоми корҳои таъмирию навсозӣ дар хиёбони С. Шерозии шаҳри Душанбе ва аз фаъолият бозмондани троллейбусҳо дар хатсайри №12 ба амал омадааст.

Мақомоти иҷроияи ҳокимияти давлатии шаҳри Душанбе ба таваҷҷуҳи сокинони пойтахт мерасонад, ки муваққатан ба ҷои  троллейбусҳо дар хатсайри №12   аз  хизматрасонии  автобусҳо бо рақами хатсайри №12  истифода  баранд.