Нархи гуфтугӯи телефонӣ дар Тоҷикистон боз боло рафт: ин навбат 25%

 Дар бораи тағйирёбии нарх ин ширкати мобилӣ ба муштариёни худ бо ирсоли смс паёмак иттилоъ додааст.

Бино ба нархномаи нав, ки ширкати мухобиротии Tcell эълон намудааст, арзиши хизматрасонии тарофаҳо 25% ё аз 1, 5 то 10 сомонӣ баланд шудааст.

"Аз ҷумла таърифи “Интихоби ман”, ки дар шаҳру ноҳияҳои Истаравшан, Деваштич ва Шаҳристон, 3 сомонӣ буд, ҳоло 4, 5 сомонӣ барои ҳар ҳафта ва тарофаҳо “даркор 19” ба “даркор 25 – сомонӣ”, “даркор 35 ба даркор – 45 сомонӣ, “осон 15” ба “осон – 25 сомонӣ” барои ҳар моҳ иваз карда шудаанд", - омадааст дар иттилоияи Tcell.

Яке аз операторони ширкат зимни суҳбат, сабаби болоравии арзиши хизматрасонии алоқаи мобилиро шарҳ дод.

Ӯ гуфт, то ин замон ширкат аз рӯи ин тарофаҳо бо тахфифи 50% ба муштариён хизмат мерасонд, вале баъди ба анҷом расидани давраи имтиёзӣ ширкат танҳо 25% арзиши хизматрасониро баланд бардоштааст.