ТАРКИШ ВА ҲОДИСАИ НОХУШ

18.07.2019 тахминан соати 13.30-дақиқа шаҳрванд Ҳомидов Маҳмадсолеҳ Сулаймонович 1984 с/т, миллаташ тоҷик, бекор, истиқоматкунандаи ҷ/д Эсанбой, деҳ. Сафедчашма, ноҳияи Рӯдакӣ ҳангоми васл намудани балони гази моеъ дар а/м шахсиаш тамғаи “Газ-53”, р/д 56-33 АВ/03, ногаҳон таркиш ба амал омадааст. Дар натиҷа шаҳрванд Ҳомидов М.С. ҷароҳати вазнини ҷисмонӣ бардошта, ҳангоми ба беморхона дастрас намудан дар роҳ ба ҳалокат расидааст. 

18.07.2019 тахминан соати 18.40-дақиқа хурдсол, Ҳусанзода Раҳматулло Абдумаҷит 2016 с/т, миллаташ тоҷик, истиқоматкунандаи ҷ/д Сешанбе, деҳ. Иброҳим Бозоров, шаҳри Турсунзода аз беэҳтиётии волидонаш, аз баландии 80-см бо сараш ба замин афтида, ҷароҳати вазнини ҷисмонӣ бардошта,  дар ҷойи ҳодиса ба ҳалокат расидааст.