Президенти Қирғизистон Сооронбой Жээнбеков ҷиҳати иштирок дар Саммити сарони давлатҳои аъзои МҲТБО ба Душанбе ташриф овард

Имрӯз Президенти Ҷумҳурии Қирғизистон Сооронбой Жээнбеков ҷиҳати иштирок дар Саммити сарони давлатҳои аъзои Машварати ҳамкорӣ ва тадбирҳои боварӣ дар Осиё /МҲТБО/ вориди шаҳри Душанбе гардид.

Дар Фурудгоҳи байналмилалии Душанбе меҳмони олимақомро муовини Сарвазири мамлакат Азим Иброҳим ва дигар шахсони расмӣ истиқбол намуданд.

Имрӯз Сооронбой Жээнбеков дар панҷумин Саммити сарони давлатҳои аъзои Машварати ҳамкорӣ ва тадбирҳои боварӣ дар Осиё, ки таҳти раёсати Ҷумҳурии Тоҷикистон баргузор мешавад, иштирок менамояд.