Трамп аз оғози тарҳи убури амни киштиҳо аз тангаи Ҳурмуз хабар дод
Трамп дар шабакаи иҷтимоии худ, Truth Social навишт, «кишварҳое аз саросари ҷаҳон, ки тақрибан ҳамагӣ дар муноқишаи Ховари Миёна дахолате надоранд, аз Амрико хостанд, ки оё метавонем ба озодсозии киштиҳояшон, ки дар тангаи Ҳурмуз гирифтор шудаанд, кӯмак кунем».
Ӯ бо баёни ин, ки ин кишварҳо «танҳо нозирони бетараф ва бегуноҳ ҳастанд», афзудааст, «мо барои хайри Эрон, Ховари Миёна ва Амрико, ба ин кишварҳо эълон кардаем, ки киштиҳояшонро ба таври бехатар аз ин оброҳаи маҳдуд раҳнамоӣ хоҳем кард, то битавонанд озодона ва ба хубӣ ба фаъолиятҳои худ идома диҳанд».
Трамп бе ишора ба номи кишварҳое, ки қарор аст киштиҳо ва маллоҳонашон аз тангаи Ҳурмуз берун бурда шаванд, таъкид кардааст, ки «ин киштиҳо мутааллиқ ба минтақаҳое аз ҷаҳон ҳастанд, ки ба ҳеч сурат дар ҳодисаҳои ҷории Ховари Миёна дахолат надоранд».
Ба гуфтаи раисҷумҳури Амрико, ин раванд бо номи «Тарҳи озодӣ» аз субҳи 4 май ба вақти Ховари Миёна оғоз хоҳад шуд. «Ман комилан огоҳ ҳастам, ки намояндагонам дар ҳоли гуфтугӯҳои бисёр мусбате бо кишвари Эрон ҳастанд ва ин гуфтугӯҳо метавонад ба натиҷаҳои бисёр мусбате барои ҳама бианҷомад».
Ӯ афзуд, «ҳаракати ин киштиҳо танҳо бо ҳадафи раҳоии афрод, ширкатҳо ва кишварҳое аст, ки ҳеч кори нодурусте анҷом надодаанд. Онҳо қурбонии шароит ҳастанд. Ин як иқдоми башардӯстона аз сӯи Амрико ва кишварҳои Ховари Миёна, ва ба вижа кишвари Эрон аст».
Паёмҳои Трамп дар ҳоле нашр шудааст, ки тарафҳо дар ҳоли радубадал кардани тарҳҳои худ барои поён додан ба ҷанге ҳастанд, ки аз 28 феврали имсол оғоз шуд ва пас аз 40 рӯзи даргирӣ ба оташбаси шикананда байни ҷонибҳо боис шуд. Эрон дар ин муддат тангаи Ҳурмузро амалан баст ва Амрико ҳам пас аз оғози оташбас, тарҳи муҳосираи баҳрии бандарҳои Эронро ба иҷро даровард.
Эрон рӯзи 1 май тарҳеро барои поёни муҳосираи баҳрии бандарҳои худ аз сӯи нерӯҳои баҳрии Амрико ва ҳамзамон бозкушоии тангаи Ҳурмуз ироа кардааст. Исмоли Бақоӣ, сухангӯи Вазорати корҳои хориҷии Эрон, рӯзи 3 май эълон кард, ки Теҳрон посухи Амрикоро дарёфт кардааст ва қарор аст онро баррасӣ кунад.
Раисҷумҳури Амрико дар бахши дигаре аз паёми худ навиштааст, ки бисёре аз киштиҳои бандмонда дар Халиҷи Форс «бо камбуди маводи хӯрокворӣ ва дигар ашёи зарури барои ҳифзи саломатии маллоҳони сершумори худ рӯбарӯ ҳастанд. Ба назари ман, ин иқдом метавонад гоме муҳим дар нишон додани ҳусни ният аз сӯи ҳамаи тарафҳое бошад, ки тайи моҳҳои гузашта ба шиддат яке аз тарафҳои ин даргирӣ будаанд».
Трамп ҳамзамон таҳдид кардааст, ки «агар ба ҳар шевае дар ин раванди башардӯстона дахолат шавад, мутаассифона бо он дахолат ба таври қотеъ бархӯрд хоҳад шуд».
Ба назар мерасад ишораи ӯ ба таҳдидҳои Сипоҳи посдорони Эрон бошад, ки эълон кардааст, ҳеч киштӣ ё қаиқ бе иҷозаи он наметавонад аз тангаи Ҳурмуз убур кунад ва бо вокуниши сахти ин нерӯ рӯбарӯ хоҳад шуд.
Сарчашма: ozodi.org
Ӯ бо баёни ин, ки ин кишварҳо «танҳо нозирони бетараф ва бегуноҳ ҳастанд», афзудааст, «мо барои хайри Эрон, Ховари Миёна ва Амрико, ба ин кишварҳо эълон кардаем, ки киштиҳояшонро ба таври бехатар аз ин оброҳаи маҳдуд раҳнамоӣ хоҳем кард, то битавонанд озодона ва ба хубӣ ба фаъолиятҳои худ идома диҳанд».
Трамп бе ишора ба номи кишварҳое, ки қарор аст киштиҳо ва маллоҳонашон аз тангаи Ҳурмуз берун бурда шаванд, таъкид кардааст, ки «ин киштиҳо мутааллиқ ба минтақаҳое аз ҷаҳон ҳастанд, ки ба ҳеч сурат дар ҳодисаҳои ҷории Ховари Миёна дахолат надоранд».
Ба гуфтаи раисҷумҳури Амрико, ин раванд бо номи «Тарҳи озодӣ» аз субҳи 4 май ба вақти Ховари Миёна оғоз хоҳад шуд. «Ман комилан огоҳ ҳастам, ки намояндагонам дар ҳоли гуфтугӯҳои бисёр мусбате бо кишвари Эрон ҳастанд ва ин гуфтугӯҳо метавонад ба натиҷаҳои бисёр мусбате барои ҳама бианҷомад».
Ӯ афзуд, «ҳаракати ин киштиҳо танҳо бо ҳадафи раҳоии афрод, ширкатҳо ва кишварҳое аст, ки ҳеч кори нодурусте анҷом надодаанд. Онҳо қурбонии шароит ҳастанд. Ин як иқдоми башардӯстона аз сӯи Амрико ва кишварҳои Ховари Миёна, ва ба вижа кишвари Эрон аст».
Паёмҳои Трамп дар ҳоле нашр шудааст, ки тарафҳо дар ҳоли радубадал кардани тарҳҳои худ барои поён додан ба ҷанге ҳастанд, ки аз 28 феврали имсол оғоз шуд ва пас аз 40 рӯзи даргирӣ ба оташбаси шикананда байни ҷонибҳо боис шуд. Эрон дар ин муддат тангаи Ҳурмузро амалан баст ва Амрико ҳам пас аз оғози оташбас, тарҳи муҳосираи баҳрии бандарҳои Эронро ба иҷро даровард.
Эрон рӯзи 1 май тарҳеро барои поёни муҳосираи баҳрии бандарҳои худ аз сӯи нерӯҳои баҳрии Амрико ва ҳамзамон бозкушоии тангаи Ҳурмуз ироа кардааст. Исмоли Бақоӣ, сухангӯи Вазорати корҳои хориҷии Эрон, рӯзи 3 май эълон кард, ки Теҳрон посухи Амрикоро дарёфт кардааст ва қарор аст онро баррасӣ кунад.
Раисҷумҳури Амрико дар бахши дигаре аз паёми худ навиштааст, ки бисёре аз киштиҳои бандмонда дар Халиҷи Форс «бо камбуди маводи хӯрокворӣ ва дигар ашёи зарури барои ҳифзи саломатии маллоҳони сершумори худ рӯбарӯ ҳастанд. Ба назари ман, ин иқдом метавонад гоме муҳим дар нишон додани ҳусни ният аз сӯи ҳамаи тарафҳое бошад, ки тайи моҳҳои гузашта ба шиддат яке аз тарафҳои ин даргирӣ будаанд».
Трамп ҳамзамон таҳдид кардааст, ки «агар ба ҳар шевае дар ин раванди башардӯстона дахолат шавад, мутаассифона бо он дахолат ба таври қотеъ бархӯрд хоҳад шуд».
Ба назар мерасад ишораи ӯ ба таҳдидҳои Сипоҳи посдорони Эрон бошад, ки эълон кардааст, ҳеч киштӣ ё қаиқ бе иҷозаи он наметавонад аз тангаи Ҳурмуз убур кунад ва бо вокуниши сахти ин нерӯ рӯбарӯ хоҳад шуд.
Сарчашма: ozodi.org
Комментарии (0)