Ҳамкории Тоҷикистон ва Олмон дар самти рушди инноватсия ва технологияҳои рақамӣ баррасӣ гардид

​Мусоҳибон инчунин густариши истифодаи технологияҳои муосирро дар бахшҳои иқтисод ва низоми идоракунии давлатӣ  баррасӣ карданд.
Гуфта шуд, ки Ҷумҳурии Тоҷикистон ба густариши ҳамкории байналмилалӣ бо кишварҳои пешрафта, аз ҷумла бо Олмон барои интиқоли технология, ҷалби сармоя ва татбиқи таҷрибаҳои пешқадам таваҷҷуҳи хосса зоҳир менамояд.

Ҷонибҳо барои таҳкими ҳамкорӣ дар самтҳои рушди технологияҳои рақамӣ, тақвияти иқтидори кадрӣ ва татбиқи ташаббусҳои муштарак изҳори омодагӣ намуданд.

Сафири Фавқулода ва Мухтори Ҷумҳурии Федеративии Олмон аз Маркази хизматрасониҳои давлатӣ дидан намуда, бо раванди пешниҳоди хизматрасониҳои давлатӣ дар шакли электронӣ, сатҳи рақамикунонии хизматрасониҳо ва имконияти техникии марказ аз наздик шинос шуд.

Сарчашма: khovar.tj​