Варзишгарони тоҷик аз “Tashkent Grand Slam 2026” бо як медали тилло ва як нишони биринҷӣ бармегарданд
Варзишгарони тоҷик дар мусобиқаи сайри ҷаҳонии ҷудо — «Тоскулоҳи бузурги Тошканд — 2026» («Tashkent Grand Slam 2026»), ки аз 27-уми феврал то 1-уми марти имсол дар варзишгоҳи «Ҳумо-Арена"-и пойтахти Ӯзбекистон доир шуд, як медали тилло ва як биринҷӣ ба даст оварданд.
Абдуллоҳи Ориф, ҷудокори ҷавони тоҷик дар рӯзи дуюми мусобиқот — 28-уми феврал медали тилло ба даст овард. Ӯ дар вазни то 73 кг рақобатҳои худро аз даври дуюм оғоз карда, муқобили Ҷошуа Грин аз Ирландия пирӯз шуд.
Дар идома дар марҳилаи ҳаштякниҳоӣ Ҳоҷиакбар Тошев аз Ӯзбекистон, дар даври чорякниҳоӣ Арун Кумар аз Ҳиндустон ва дар даври нимниҳоӣ Ҷованни Эспосито аз Италияро ноком кард.
Ӯ дар даври ниҳоӣ бо Шаҳром Аҳадов аз Ӯзбекистон куштӣ гирифта, ӯро ҳам мағлуб кард ва сазовори медали тиллову зинаи аввал гардид. Ин аввалин дастоварди Абдуллоҳи Ориф дар мусобиқоти «Тоскулоҳи бузург"-и Тошканд аст.
Медали дигарро барои Тоҷикистон Эмомалӣ Нуралӣ овард. Ӯ рӯзи аввали мусобиқот — 27-уми феврал дар вазни то 66 кг куштигириро аз даври дуюм оғоз кард ва баъди шикасти Назар Висков, намояндаи Украина ба марҳилаи чорякниҳоӣ роҳ ёфт.
Вале паҳлавони 23-солаи тоҷик дар ин марҳила аз Шинсей Ҳаттории ҷопонӣ ноком шуд ва муборизаро дар марҳилаи тасаллобахш давом дод. Эмомалӣ дар ин марҳила Роналд Лима аз Бразилияро мағлуб карда, дар рақобат барои медали биринҷӣ Валерио Аккоглӣ аз Италияро шикаст дод ва соҳиби ҷойи сеюм гардид.
Бояд гуфт, ин медали сеюми Эмомалӣ Нуралӣ дар «Тоскулоҳи бузург"-и Тошканд аст. Ӯсоли 2023 ва 2024 дар ин мусобиқа соҳиби медали тилло шуда буд.
Рӯзи сеюми мусобиқаи «Tashkent Grand Slam 2026» барои ҷудокорони тоҷик бебарор анҷом ёфт. Дар ин рӯз Тоҷикистонро 6 ҷудокори тоҷик — Умар Расулов, Музамир Каримзода, Парвиз Абдураҳмонов, Бахтовар Бобохонов, Некрӯзшоҳ Некбахтзода ва Виктория Киселёва муаррифӣ карданд ва ҳама дар даврҳои муқаддамотӣ ноком шуданд.
Зимнан, дар рӯзи аввали мусобиқа, 7 ҷудокори дигари тоҷик ба майдондорӣ пардохта, Меҳрзод Суфиев, Муҳаммадсолеҳ Қувватов, Обид Ҷебов, Аҳлия Муъминова, Мадина Қурбонзода ва Александра Кан аз рақибони худ шикаст хӯрданд.
Дар рӯзи дуюм бошад, Масъуди Аҳмадзод, Сомон Маҳмадбеков, Абубакр Боқиев аз рақибонашон ноком шуданд. Танҳо Масъуди Аҳмадзод дар ҷазни 60 кг зинаи панҷумро аз худ кард.
Ҳамин тариқ, Тоҷикистон бо касби як медали тило, як биринҷӣ ва як ҷойи панҷум дар ҷойи шашум қарор гирифт.
Бояд гуфт, дар «Тоскулоҳи бузурги Тошканд — 2026» 17 ҷудокор (132 мард ва 4 зан) аз Тоҷикистон ширкат карданд. Дар маҷмуъ, дар ин чорабинӣ, 370 варзишгар (209 мард ва 161 зан) аз 39 кишвар иштирок карданд.
Барандаҳои медали тилло дар ҳар як вазн 5000 евро, ҷойҳои дуюм 3000 евро ва зинаҳои сеюм 1500-евроӣ ба даст меоранд.
Ҷудокорони тоҷик соли гузашта аз ин мусобиқа медал гирифта натавониста буданд. Соли 2024 бошад, дастаи мунтахаби Тоҷикистон дар «Tashkent Grand Slam» соҳиби як медали тило шуда буд. Ин медалро Эмомалӣ Нуралӣ дар рақобатҳо дар вазни то 66 кило миёни мардон ба даст оварда буд.
Сарчашма: asiaplustj.info
Абдуллоҳи Ориф, ҷудокори ҷавони тоҷик дар рӯзи дуюми мусобиқот — 28-уми феврал медали тилло ба даст овард. Ӯ дар вазни то 73 кг рақобатҳои худро аз даври дуюм оғоз карда, муқобили Ҷошуа Грин аз Ирландия пирӯз шуд.
Дар идома дар марҳилаи ҳаштякниҳоӣ Ҳоҷиакбар Тошев аз Ӯзбекистон, дар даври чорякниҳоӣ Арун Кумар аз Ҳиндустон ва дар даври нимниҳоӣ Ҷованни Эспосито аз Италияро ноком кард.
Ӯ дар даври ниҳоӣ бо Шаҳром Аҳадов аз Ӯзбекистон куштӣ гирифта, ӯро ҳам мағлуб кард ва сазовори медали тиллову зинаи аввал гардид. Ин аввалин дастоварди Абдуллоҳи Ориф дар мусобиқоти «Тоскулоҳи бузург"-и Тошканд аст.
Медали дигарро барои Тоҷикистон Эмомалӣ Нуралӣ овард. Ӯ рӯзи аввали мусобиқот — 27-уми феврал дар вазни то 66 кг куштигириро аз даври дуюм оғоз кард ва баъди шикасти Назар Висков, намояндаи Украина ба марҳилаи чорякниҳоӣ роҳ ёфт.
Вале паҳлавони 23-солаи тоҷик дар ин марҳила аз Шинсей Ҳаттории ҷопонӣ ноком шуд ва муборизаро дар марҳилаи тасаллобахш давом дод. Эмомалӣ дар ин марҳила Роналд Лима аз Бразилияро мағлуб карда, дар рақобат барои медали биринҷӣ Валерио Аккоглӣ аз Италияро шикаст дод ва соҳиби ҷойи сеюм гардид.
Бояд гуфт, ин медали сеюми Эмомалӣ Нуралӣ дар «Тоскулоҳи бузург"-и Тошканд аст. Ӯсоли 2023 ва 2024 дар ин мусобиқа соҳиби медали тилло шуда буд.
Рӯзи сеюми мусобиқаи «Tashkent Grand Slam 2026» барои ҷудокорони тоҷик бебарор анҷом ёфт. Дар ин рӯз Тоҷикистонро 6 ҷудокори тоҷик — Умар Расулов, Музамир Каримзода, Парвиз Абдураҳмонов, Бахтовар Бобохонов, Некрӯзшоҳ Некбахтзода ва Виктория Киселёва муаррифӣ карданд ва ҳама дар даврҳои муқаддамотӣ ноком шуданд.
Зимнан, дар рӯзи аввали мусобиқа, 7 ҷудокори дигари тоҷик ба майдондорӣ пардохта, Меҳрзод Суфиев, Муҳаммадсолеҳ Қувватов, Обид Ҷебов, Аҳлия Муъминова, Мадина Қурбонзода ва Александра Кан аз рақибони худ шикаст хӯрданд.
Дар рӯзи дуюм бошад, Масъуди Аҳмадзод, Сомон Маҳмадбеков, Абубакр Боқиев аз рақибонашон ноком шуданд. Танҳо Масъуди Аҳмадзод дар ҷазни 60 кг зинаи панҷумро аз худ кард.
Ҳамин тариқ, Тоҷикистон бо касби як медали тило, як биринҷӣ ва як ҷойи панҷум дар ҷойи шашум қарор гирифт.
Бояд гуфт, дар «Тоскулоҳи бузурги Тошканд — 2026» 17 ҷудокор (132 мард ва 4 зан) аз Тоҷикистон ширкат карданд. Дар маҷмуъ, дар ин чорабинӣ, 370 варзишгар (209 мард ва 161 зан) аз 39 кишвар иштирок карданд.
Барандаҳои медали тилло дар ҳар як вазн 5000 евро, ҷойҳои дуюм 3000 евро ва зинаҳои сеюм 1500-евроӣ ба даст меоранд.
Ҷудокорони тоҷик соли гузашта аз ин мусобиқа медал гирифта натавониста буданд. Соли 2024 бошад, дастаи мунтахаби Тоҷикистон дар «Tashkent Grand Slam» соҳиби як медали тило шуда буд. Ин медалро Эмомалӣ Нуралӣ дар рақобатҳо дар вазни то 66 кило миёни мардон ба даст оварда буд.
Сарчашма: asiaplustj.info
Комментарии (0)