Испанияда Европадаги энг катта океанариумда ёнғин чиқди

9 июлда Испаниянинг Валенсиясида жойлашган Европадаги энг катта океанариумда ёнғин юз берди.
Маҳаллий вақт билан соат 11лар атрофида ташриф буюрувчилар акулалар сақланадиган ҳудудда тутун чиқаётганини пайқашган. Бир неча дақиқадан кейин бино узра улкан қора тутун устуни кўтарилиб, уни шаҳарнинг турли бурчакларидан кўриш мумкин бўлган.
Ўз вақтида етиб келган қутқарувчилар алангани 20 дақиқада ўчиришга муваффақ бўлишган.
Бинодан 2 мингга яқин одам эвакуация қилинган. Одамлар ва жонзотлар орасида жабрланганлар бўлмаган. Ёнғин сабаби ва ўчоғи ҳозирча номаълумлигича қолмоқда.
Океанариум 110 минг квадрат метр майдонни эгаллаб, унда 500 турдаги 45 минг жонзот сақланади. “Санъат ва фан шаҳри” деб номланувчи ушбу мажмуа Испаниянинг энг машҳур жойларидан бири ҳисобланади.

Fire in Oceanogràfic #Valencia #Spain (Fuego en #oceanografic #Espana ?♨️?? pic.twitter.com/gQQIMOpoa7

— Teacher From PR ???? (@MaestroDEPR) July 9, 2019