Москвадан Берлинга парвоз қилган Boeing 737 носозлик сабабли ортига қайтди

Utair авиакомпаниясига қарашли Boeing 737 самолёти кондиционер тизимида носозлик юз бергани сабабли "Внуково" аэропортига қайтишга мажбур бўлди.
Хабар қилинишича, самолёт Москва-Берлин йўналиши бўйича парвозга отланган. Аммо техник носозлик юз бергани сабабли Каунас шаҳри устидан ортига қайтган ва "Внуково" аэропортига қўнган.
Аввалроқ Boeing компанияси муаммоли 737 Max самолётларини етказиб беришга йирик битимдан маҳрум бўлгани хабар қилинганди. ВВС телеканалининг билдиришича Саудия Арабистонининг Saudia авиакомпанияси эгалик қилувчи Flyadeal лоукостери бу моделдаги самолётларни сотиб олишни рад этган.