Саудия маликаси мамлакат тарихидаги биринчи аёл элчи бўлди

Малика Рима бин Абдул Азиз Ол Сауд Саудия Арабистони тарихидаги биринчи аёл элчи бўлди, у Вашингтонга элчи этиб тайинланди, деб хабар берди Anadolu агентлиги.
"Бугун ишонч ёрлиғини топшириш мен учун катта шарафдир", - деб ёзди малика ўз твиттерида.  
Саудия Арабистонининг АҚШ ва Буюк Британиядаги элчилари Ямандаги уруш ва журналист Жамол Қошиқчининг ўлими сабабли юзага келган бир неча ойлик кескин муносабатлардан сўнг ўз ўринларини эгаллашди.
Маликанинг акаси, шаҳзода Холид ибн Султон Ол Сауд пайшанба куни Лондонда ишонч ёрлиғини топширди.