Америка компаниялари Хитойни тарк эта бошлади

АҚШнинг йирик технологик компаниялари савдо уруши ортидан Хитойдаги филиалларини ёпмоқда, деб ёзади Nikkei газетаси.
Нашрнинг маълумот беришича, Dell ва HP, Amazon Nintendo, Microsoft, Sony ва Google ўз ишлаб чиқариш ва тадқиқот қувватларини Хитойдан ташқарида жойлаштириш учун янги жой қидирмоқда.
Уларнинг аксарияти Вьетнам, Таиланд, Индонезия ёки Мексикани муқобил майдон сифатида кўрмоқда. Quanta Computer, Foxconn Technology ва Inventec эса Чехияни ҳам мўлжалламоқда. Нашрнинг ёзишича, Apple Хитойдан смартфонлар ишлаб чиқариш бўлинмасининг 30 фоизга яқинини олиб чиқиб кетмоқчи.
Иқтисодчиларнинг фикрича, ишлаб чиқариш қувватларининг кўчирилишига асосий сабаб АҚШ ва Хитой ўртасидаги савдо урушидир. Икки давлат бир-бирининг маҳсулотларига божлар киритмоқда ва натижада маҳсулотлари Америка бозорига мўлжалланган компаниялар учун Хитойда ишлаб чиқаришни давом эттириш бефойда бўлмоқда.