Боливияда илгари маълум бўлмаган ҳалокатли вирус пайдо бўлди

Боливия ҳукумати илгари маълум бўлмаган вирусли касаллик аниқланганидан сўнг фавқулодда санитария-эпидемиология чораларини қабул қилди. Улар шунингдек, бу қандай вирус эканлигини аниқлаш учун халқаро ҳамжамиятдан ёрдам сўрамоқда. Бу ҳақда мамлакат соғлиқни сақлаш вазири Габриэла Монтаньо маълум қилди.
Унинг сўзларига кўра, вирус сабабли бир киши вафот этган, яна икки бемор интенсив даволаш палатасига ётқизилган, уч кишида мазкур касаллик белгилари пайдо бўлган.
Монтаньонинг қайд этишича, бу касаллик гриппнинг ёки денге безгагининг илгари маълум бўлмаган шакли бўлиши мумкин.
Боливия ҳукумати мазкур вирусли касалликни аниқлашда ёрдам сўраб халқаро тиббиёт ҳамжамиятига мурожаат қилган.