Кобулдаги портлаш натижасида 30дан ортиқ киши ҳалок бўлди – ОАВ

Кобулда юз берган портлаш оқибатида камида 34 киши ҳалок бўлди ва 68 киши жароҳатланди, деб хабар берди "Синьхуа" агентлиги.
Аввалроқ Al Jazeera телеканали ўнлаб инсонлар ҳалок бўлгани ҳақида хабар қилганди. Pajhwok агентлигининг билдиришича, жароҳатланганлар орасида маҳаллий телевидениенинг олти нафар журналисти ҳам бор.
Теракт мамлакат пойтахтидаги дипломатик кварталда содир этилган. Мина жойланган юк машинаси 16-полиция округида, миллий мудофаа вазирлиги биноларидан бири жойлашган ҳудудда портлатилган.  
Ушбу ҳужум учун жавобгарликни "Толибон" ҳаракати ўз зиммасига олган.