Бурятияда авиаҳалокат: экипаж аъзолари ҳалок бўлди, йўловчилар омон қолишди

27 июнь куни тонгда Бурятияда «Ангара» авиакомпаниясига тегишли Ан-24 русумли йўловчи самолёт Нижнеангарскга фавқулодда қўнишни амалга оширди.
Қўниш вақтида самолёт учиш-қўниш йўлагидан чиқиб кетган ва тозалаш қурилмалари биносига урилиб, ёнғин бошланган. Барча йўловчилар зудлик билан эвакуация қилинган. 
Маълум бўлшича, самолёт Улан—Удэ—Нижнеангарск—Иркутск йўналишида парвозни амалга ошираётган бўлган. Самолёт аэропортдан кўтарилиши билан двигателлардан бири ишдан чиққан. Шу сабабли экипаж орқага қайтишга қарор қилган.
Бурятия ИИВ матбуот хизмати хабарига кўра, самолёт экипажи аъзоларининг икки нафари - командир ва экипаж бортмеханиги ҳалок бўлган.
Ҳодиса вақтида самолёт бортида 47 киши бўлган, уларнинг етти нафарига тиббий ёрдам кўрсатилган.