Трамп ва Путин учрашувида қайси мавзулар муҳокама қилиниши маълум бўлди

Россия ва АҚШ президентлари Владимир Путин ва Дональд Трамп учрашуви 28 июнь куни Японияда бўлиб ўтади. Учрашувга бир соат вақт ажратилган. Бу ҳақда Россия президенти ёрдамчиси Юрий Ушаков маълум қилди. 
Ушаковнинг сўзларига кўра, учрашувда стратегик барқарорлик масалалари, Сурия, Афғонистон, Венесуэла, Украинадаги минтақавий низолар мавзулари муҳокама қилинади. Давлат раҳбарлари шунингдек, Эрон муаммосини ҳам муҳокама қилишади. 
Кремль вакили кўп нарса президентларнинг суҳбатни қандай қуришларига боғлиқ эканлигини қўшиб қўйди.
G20 саммити Япониянинг Осака шаҳрида 28 июнь куни бошланади.