Владимир Кличко оиласи билан бирга ёнаётган яхтадан қутқариб қолинди

Испаниянинг соҳилбўйи қўриқлаш хизмати украиналик собиқ боксчи Владимир Кличко ва унинг оиласини Ибицадан Майоркага йўналаётган яхтадаги ёнғин вақтида қутқариб қолди. 
Bild портали маълумотларига кўра, воқеа 24 июнга ўтар кечаси яхта Майорка ороли яқинида бўлганда юз берган. Кличко яхтада оиласи ва дўстлари билан дам олаётган бўлган. Уларнинг барчаси эвакуация қилинган, ёнғин испан ўт ўчирувчилари томонидан ўчирилган.
Маълумотларга кўра, ёнғин яхтанинг машина бўлимида бошланган. Унинг бошланишига нима сабаб бўлганини аниқлашга тўғри келади. 
“Майорка ўт ўчириш қисми ва вазиятни назорат остига олишга ҳамда барчани соҳилга иложи борича тезроқ олиб чиқиш учун барча ишни қилган бортдаги жамоа туфайли ҳаммаси яхши якунланди”, деб хабар қилган собиқ боксчи.
Кличко охирги марта рингга 2017 йил апрелда кўтарилган ва шундан кейин спортдан кетишини эълон қилган. Унинг ҳисобида профессионал рингда 64 та ғалаба ва 5 та мағлубият бор.