Испанияда 8 ёшли икки боланинг жанжали оммавий тартибсизликларга айланиб кетди

Испаниянинг Вальядолид шаҳрида 8 ёшли ўғил боланинг ўз тенгқури бўлган қиз билан жанжали полициянинг махсус бўлинмаларининг аралашувини талаб қилган оммавий тартибсизликларга айланиб кетди. Бу ҳақда Europa Pressахборот агентлиги хабар берди. 
Воқеа Испанияда 23 июнга ўтар кечаси Сан-Хуан байрами нишонланиши вақтида юз берган. Шаҳар майдонларидан бирида 8 ёшли бола бир қизни ургач, қизнинг ота-онаси фарзанди ёнини олиб, болани койишга тушган. Шунда “зўравон” боланинг ота-онасига фарзанди номига билдирилган ҳақоратомуз сўзлар ёқмаган ва улар ўз навбатида қизнинг ота-онаси билан жанжаллашиб кетган.
Воқеа жойига полициянинг 4 та наряди келганда, оддийгина узр билан ҳал қилиш мумкин бўлган келишмовчилик 50 га яқин киши иштирокидаги оммавий тўполонга айланиб кетгани аниқланган. Шу сабабли полициячилар қўшимча нарядларни, жумладан полициянинг махсус бўлинмаларини чақиртиришига тўғри келган.
Тартибни ўрнатиш бўйича ўтказилган операция вақтида ўғил боланинг отаси ва амакиси ҳибсга олинган, улар полицияга қаршилик кўрсатган. Маълум қилинишича, полициячиларнинг хавфсизлигига хавотир нуқтаи назаридан бошқа ҳеч кимни ҳибсга олмасликка қарор қилинган.