Британия қироллик оиласи 2018 йилда 437 млн доллар миқдорида рекорд даражадаги даромадга эга бўлди

Британия қироллик оиласи Лондон ва мамлакатнинг бошқа жойларидаги ўзига тегишли тижорат кўчмас мулклари нархи ўсиши сезиларли равишда пасайишига қарамасдан 2018 йилда 343,5 млн фунт (437,6 млн доллар) миқдорида рекорд даражадаги даромадга эга бўлди. Бу ҳақда Financial Timesгазетаси хабар берди.
Газетанинг Crown Estate компанияси маълумотига таяниб хабар беришича, Уэст-Энд районидаги кўчмас мулк қиймати атиги 1,7%га, 14,3 млрд фунтгача ошган). Бу 2009 йилдан буён қайд этилган энг паст кўрсаткичдир. Лондон ташқарисидаги қироллик мулклари нархи эса ҳаттоки 7%га тушиб кетган.
Аммо якуний натижаларга қироллик портфелининг асосини ташкил этувчи энергетика ва инфраструктура нархининг 14%га ошиши сезиларли таъсир кўрсатган. Британия қироллик оиласига Англия, Уэльс ва Шимолий Ирландиядаги шельфларнинг денгиз тубидаги участкалари тегишли бўлиб, улар шамол турбиналари ўрнатиш учун энергетика гуруҳларига ижарага берилади.
Қонунчиликка кўра, қироллик мулклари бошқарувидан тушган барча даромад давлат ғазнасига тушади, икки йилдан сўнг эса монарх 15% миқдоридаги ўз улушини олади. Нашрнинг ёзишича, кейинги ўн йил давомида қироллик мулки давлатга 2,8 млрд фунт стерлинг ($3,56 млрд) фойда келтирган.