Шри Ланкада фавқулодда ҳолат режими яна бир ойга чўзилди
Шри Ланка президенти Майтрипала Сирисена 21 апрель куни мамлакатда юз берган ва 250 дан зиёд инсоннинг ёстиғини қуритган кетма-кет терактлардан сўнг жорий этилган фавқулодда ҳолат режимини яна бир ойга чўзди. Бу ҳақда маҳаллий Ada Derana нашри расмий ҳужжатга асосланиб хабар бермоқда.Президент девонхонаси давлат раҳбари томонидан имзоланган декларацияни тарқатган. Ҳужжат бугундан кучга кирган.
Эслатиб ўтамиз, шу йилнинг 21 апрель куни католик пасхаси ўтаётган чоғда Шри Ланкадаги отеллар ва черковларда саккизта портлаш юз берган ва камида 250 киши қурбон бўлган. Яна 500 дан зиёд киши жабрланган. Шундан сўнг ҳукумат ижтимоий тармоқлардан фойдаланишни чеклаб қўйган эди.
Кейинроқ ҳуқуқ-тартибот органлари орол-давлатда уюштирилган теракт ташкилотчилигида гумон қилинганларнинг барчаси ушланган ёки йўқ қилингани хабар қилинган эди.
Комментарии (0)