АҚШ Украинанинг мудофаа соҳасига 250 млн доллар ажратади

АҚШ Украинага мудофаа соҳасида ёрдам бериш учун 250 млн доллар ажратади. Бу ҳақда АҚШ мудофаа вазирлиги баёнотида айтилган. 
Пентагонда пуллар қўшимча тайёргарлик, Украина қуролли кучлари салоҳиятини ошириш учун маслаҳат хизматларига сарфланиши маълум қилинган. Жумладан, амалдаги ўқув дастурлари учун қурилмалар сотиб олинади, шунингдек, снайпер милтиқлари, гранатомётлар, радарлар, алоқа қурилмалари ва тунги кўриш приборлари, ҳарбий тиббий ёрдам тақдим қилинади. 
Пентагон маълумотларига кўра, янги молиялаштириш билан бирга Киевга ажратилган умумий ёрдам қиймати 1,5 млрд долларга етади.
Пентагоннинг таъкидлашича, АҚШ Украинага “хавфсиз, фаровон, демократик ва эркин Украина мақсадида ҳудудий яхлитлигини ҳимоялаш учун” ёрдам тақдим қилишни давом эттиради.