Видео: Зеленский билан учрашув вақтида Меркелни қалтироқ тутиб қолди

Германия канцлери Ангела Меркель Украина президенти Владимир Зеленский билан учрашув вақтида ўзини жуда ёмон ҳис қилди. Ушбу ҳолат тасвирлаган лавҳани РЕН ТВ намойиш этди. 

Кадрда икки давлат раҳбарлари қизил гиламда туришгани акс этган. Кутилмаганда Меркель қалтирай бошлайди, қўллари ҳолатини бир неча марта ўзгартиради. Зеленский бўлиб ўтаётган воқеага ҳеч қандай муносабат билдирмайди.
Канцлернинг ўзини ёмон ҳис қилишига иссиқ ҳарорат сабаб бўлган бўлиши мумкин: сешанба куни Берлинда ҳаво ҳарорати 30 даражага етди.
Украина президенти Германияга бир кунлик ташриф билан келди. У Германия канцлери билан Донбассдаги низони тўхтатиш ва иқтисодий ҳамкорлик истиқболларини муҳокама қилишди.