АҚШдаги мактабда ядро ёнилғиси излари топилди

АҚШнинг Огайо штатидаги мактабда бойитилган уран ва нептуний-237 излари топилди. Шу сабабли мактабни ўқув йили охиригача ёпиб қўйишга қарор қилинган. Бу ҳақда Newsweek нашри хабар берди. 
Воқеа Пайктон қишлоғидаги мактабда юз берган. Топилган моддалар радиоактив бўлиб, уларнинг узоқ таъсир этиши саратон келтириб чиқариши мумкин. Таъкидланишича,  мактабда 320 га яқин бола таҳсил олади.
Ҳозир зарарланиш кўлами ва унинг манбасини аниқлашга ҳаракат қилинмоқда. Маълум қилинишича, мактаб узоқроқ муддатга ёпилиши мумкин. “Биз кимнингдир фарзандини хавф остига қўйишни истамаймиз”, деб айтган мактаб директори.
Маҳаллий аҳолидан баъзилар зарарланиш манбаси мактабдан 3 км узоқда жойлашган Портсмут газодиффузия заводи бўлиши мумкинлигини айтишган. Аввал бу объектда АҚШ атом энергияси учун бойитилган уран, жумладан қурол урани ишлаб чиқарилган. Ушбу объектда уранни бойитиш ишлари 2001 йилда тугатилган.