Сурия, Ироқ ва Эрон ўз темир йўлларини ягона тармоққа бирлаштирмоқчи

Сурия, Ироқ ва Эрон ўз темир йўлларини ягона тармоққа бирлаштирмоқчи, бу масала бўйича учрашув ўтказиш режалаштирилмоқда, деб хабар берди al-Watan газетаси Сурия транспорт вазирлигидаги манбасига таяниб.
"Ҳозирда Сурия, Эрон ва Ироқ темир йўлларини бирлаштириш бўйича лойиҳани қайта тиклаш устида иш олиб борилмоқда, мамлакатлар вакиллари ўртасида учрашув ўтказиш муддати аниқланмоқда", - деди манба.
Ушбу стратегик лойиҳа 2011 йилда бошланган, аммо Суриядаги инқироз сабабли тўхтатиб қўйилганди.
Манбанинг сўзларига кўра, лойиҳанинг мақсади Ироқ ва Эроннинг Сурия портларига чиқишини таъминлаш, келажакда эса темир йўлларни Хитойгача узайтиришдир.
Аввалроқ Ироқ темир йўл компанияси раҳбари Толиб ал Ҳусайний уч давлат темир йўлларини бирлаштириш бўйича учрашув режалаштирилаётгани ҳақида маълум қилганди.