Хитойда интернет-кафе мижози фалажланганини икки кун сезишмади

Хитойнинг Шэньчжэнь шаҳрида жойлашган интернет-кафелардан бирида мижозга шошилинч ёрдам кераклигини икки кун ўтиб сезишди, дея хабар беради CCTV телеканали. 
Маълум бўлишича, 42 ёшли эркак 31 март куни интернет-кафега келган ва 2 апрелгача ўша ерда ўтирган, у ўз жойини тарк этмаган. Ходимлар эркакнинг ёрдамга муҳтожлигини сезишгани заҳоти уни шифохонага етказишган. Бу вақтга келиб унинг оёқ-қўллари музлаган, нутқи йўқолганди. 
Тиббиёт ходимлари текширув ўтказиб, эркакнинг миясига қон қуйилганини аниқлашди. Таъкидланишича, бундай ҳолатларда илк 3-6 соатда тиббий аралашув зарур, бироқ фалажланган кишини сезишганида икки сутка ўтиб бўлганди.