Туркия Россия учун ҳаво кенгликларини ёпмаслигини маълум қилди

Туркия Россия учун ҳаво кенгликларини ёпмайди. Бу ҳақда мамлакат ташқи ишлар вазири Мавлут Човушўғлу маълум қилди.

«Анқара Россия учун ҳаво кенгликларини ёпмайди. Туркия учун ҳаво кенгликларининг очиқлиги стратегик ва гуманитар нуқтаи назардан муҳим ҳисобланади», — деди у.

Човушўғлу шунингдек, Анқара Россия билан ҳам, Украина билан ҳам мулоқотни давом эттираётганини билдирди.

«Агар шароит имкон берса, биз Анталядаги дипломатик форум доирасида (11-13 март кунлари) Лавров ва Кулеба ўртасида учрашув ташкил этишга тайёрмиз», — деди Туркия ташқи ишлар вазири.